Bruk vegen rundt Fånefjødd under tunnelstenginga!

Det har i fleire år vore ein skandale at Statens vegvesen har stengt den gamle vegen på utsida av Fånefjødd.

●●Etter at tunnelen sto ferdig i 1963 var denne ein populaer turveg, og saman med den eldste vegen over fjellet var han ein av dei finaste og mest populaere turistattraksjonane i Bygland.

Stenginga skal berre ha blitt gjort på grunn av uttale frå ein jurist om at Vegvesenet i teorien kunne bli stilt til ansvar om det kom dettande ein stein ovanfrå. Og Vegvesenet hadde ikkje råd til å betale for geologisk vurdering og eventuelt litt oppreinsking i fjellsida.

På grunn av utbetringsarbeid skal tunnelen vere stengd ein heil månad frå slutten av august, noko som fører til mange ulemper for byglendingar og besøkande og store tap for naeringsdrivande.

Nokre hundretusen kroner for å sikre og eventuelt utbetre den ytre vegen vil vere ein bagatell for Vegvesenet i forhold til tunnelkostnadene og ulempene ved tunnelstenging. Standarden på gamlevegen vil ikkje vere verre enn standarden på dei provisoriske vegstubbane som elles blir laga under vegarbeid.

Med ljosregulering og 30 km fartsgrense vil då vanlege privatbilar kunne køyre greit rundt Fånefjødd. Og frå oktober av vil den ytre vegen på nytt bli ein stor turistattraksjon og ein framifrå turveg for gåande og syklistar.