Sløsing med natur og pengar

Samferdselsminister Jon Georg Dale (Frp) forsvarer vegpolitikken i eit innlegg i Faedrelandsvennen 9. oktober, etter at Naturvernforbundet og Natur og Ungdom karakteriserte vegplanane mellom Kristiansand og Stavanger for galskap i eit synspunkt her i førre månad.

●●Dale skriv at dei nye motorvegane «gjer det både mogleg og meir attraktivt å etablere seg utanfor bysentrum». Ja, folk skal kunne bo i distrikta, og vi skal ha gode lokalsamfunn. Men eit problem med nye, raske vegar er at dei nettopp bidrar til at byar og tettstader esar utover og skaper meir trafikk. Ei slik byspreiing er og i strid med statens planretningsliner for bustads-, areal- og transportplanlegging.

Galskapen i vegplanane ligg i summen av naturøydeleggingar, trafikkauke og pengebruk. Vegplanane er kraftig overdimensjonerte og vil difor legge store areal under asfalt og splitte opp naturog friluftsområde. Overdimensjonerte vegar kostar og mykje pengar, som staten og bilistane må punge ut for. At ein statsråd frå Frp ønskjer slik offentleg pengebruk, er verd refleksjonar.

Dale og Frp liker å skryte av at dei brukar mykje pengar på jernbana. Og det er bra etter mange års sultefôring. Men med dei vegane Dale og co. nå vil byggje ut, vil jernbana ha liten sjanse til å konkurrere mange stader. Fleire av baneinvesteringane kan fort bli meiningslause om det først kjem ein firefelts motorveg med fartsgrense 110 km/t eller meir.

Konsekvensane ser vi alt i dag. Der vegane vert bygd ut, taper toget. Godstransport på bane mellom Göteborg og Oslo er nesten heilt borte – der den samanhengande firefeltsvegen er ei av årsakene. Store utbyggingar mellom Oslo og Telemark og dels i Agder har styrka vegtrafikken si konkurransekraft i forhold til toget. Godstransport på bane slit i konkurransen med lastebilen, og selskapet