SV krev veto mot jernbanepakke 4
Go Ahead som fekk driftsansvaret for Sørlandsbanen etter ei anbodsrunde, er det jernbaneselskapet som har hatt dei mest misnøgde passasjerane i Storbritannia.
Dersom dei driftar Sørlandsbanen og Arendalsbanen like dårleg, så vil det utan tvil bli nødvendig å gjere om på dette i framtida. Då må eit nytt stortingsfleirtal kunne tilbakeføre drifta av Sørlandsbanen og Arendalsbanen til det offentlege.
Men dersom stortinget går inn for Jernbanepakke 4, gir Stortinget i frå seg retten til å reversere denne privatiseringa, med mindre vi meldt oss ut av EØS. Med Jernbanepakke 4 tvingar EU all jernbanedrift ut på anbod og over i privat drift. Private aktørar ønsker jo i første rekke å tene pengar, og legg derfor stort press på kostnadskutt og vil i tillegg auke prisane.
EU reviderer no lokførardirektivet, og med reduserte krav til opplaering for lokførarar og anna personale så blir det dårlegare sikkerheit. I tillegg blir det lagt opp til harmonisering av alt regelverk, og Eu-organet ERA (European Union Railway Agency) vil få ansvaret for å godkjenne alt togmateriell for bruk i alle EU og Eøs-land, også i Norge.
Etter Jernbanepakke 4 blir det naerast umogleg å ha strengare krav til sikkerheit og kvalitet enn det som gjeld i resten av EU/EØS. ERA vil neppe ta nok omsyn til det langstrakte Norge sin krevande geografi og sitt hardføre klima, når krav om fri konkurranse står i motstrid til saerskilte norske krav.
Agder SV meiner at stortingsfleirtalet både kan og må seie nei til Jernbanepakke 4 og bruke vetoretten i Eøs-avtalen, slik ein samrøystes Lo-kongress i 2017 gjekk inn for. Vi står saman med ei samla fagrørsle i Norge i dette kravet!