- Ikke det samme uten
På frivilligheitas dag 5. desember er det all grunn til å feire alle dei som er engasjerte frivillige, og som bidreg i fritida si. Samfunnet vårt ville rett og slett ikkje vore det same utan dykk!
Kva frivilligheita betyr for folk og lokalsamfunn, kan best beskrivast ved å tenke seg eit samfunn utan frivillige.
Utan besøksvenner i Røde Kors, utan mammaer og pappaer som steiker vaflar og står i kiosken slik at laget kan få reise på cup og utan frivilligsentralar landet over som sørger for gode og inkluderande møteplassar. Noreg hadde ikkje vore det same Noreg slik vi kjenner det.
Frivilligheita i Noreg kan reknast til 142 000 årsverk. 58 prosent av oss i Noreg deltek som frivillige. Det seier noko om alle dei små og store fellesskapa som blir rigga i alle delar av landet.
Arbeidarpartiet har sørga for full momskompensasjon, det viktigaste kravet frå frivilligheita, frå dag éin i regjering. Fordi også fellesskapet må delta dugnaden for frivilligheita.
Med romslegare økonomiske rammer kjenner vi oss trygge på at organisasjonane og frivilligheita innfrir, både når det gjeld rekruttering og inkludering.
På spørsmålet om korleis vi sikrar formålet og eigenarten til organisasjonane lokalt, må svaret vere gjennom samarbeid. Rimeleg, eller gratis tilgang på
i lokale og areal, vil vere eit av dei viktigaste lokale bidraga.
På frivilligheitas dag er det all grunn til å feire alle dei som er engasjerte frivillige, og som bidreg i fritida si. Samfunnet vårt ville rett og slett ikkje vore det same utan dykk.