Historisk vandring
Dei såg sjøen frå kjøkkenglaset dei som budde i Grunnvasslia for 200 år sidan. Denne garden som låg høgast over havet i Grimstad kommune, og lengst frå naboar på alle kanter. Nå var det berre tuftene att å sjå for dei 40 spreke turgåarene som fulgde i lange rekker på gjengrodde stier i Øvre Landvik.
Interessen var stor for å høyra om livet og lagnaden her inne på heia. Nedgrodde merker etter tjøre og bekproduksjon kom fram i dagen.
Rydningsrøyser etter eit karrig jordbruk der nøysemd, jernhelse og erfaring var ei forutsetning for å kunne livberga seg på slik ein stad.
Gjennom voksterleg tett granskog, blaute myrer og utlevd gamal furuskog gjekk turen vidare til den fleire hundre år gamle steinvarden på Grunnvassheia. Denne tre meter høge varden som har stått her i uminnelege tider og der det tett ved sida dei siste 70-80 åra har stått fire tretårn som i tur og orden har blåst ned eller rotna ned.
Olav Hardeberg fortalde om dramatikken då dei reiste det siste 15 meter høge tårnet i vind og mørka. Tårnet var bygd over det trigonometriske punket for oppmåling av nytt kartverk.
Siste stopp for denne historiske vandring var ved det kilometerlange steingjerdet som vart bygd i grensa mellom Hardeberg og naboeigedomane. Dette gjerdet er eit unikt kulturminne som det neppe finnast maken til så langt borte frå innmark og gard.
I kilometerlange liner var dette byggverket naermast reist som ei privat sysselsetting av a5rbeidslause i dei vanskelege 20-åra.
Byselskapet og Landvik Historielag takke alle som var med på denne vandringa.