Gje luft mellom orda
I desse utbyggingstider i Farsund, er det viktig at me i framtida gjev luft mellom bøkene og orda også i framtida.
Farsund har eit eineståande bibliotek med god plass mellom hyllene, hyggjelege sitjegrupper og romslege pultar med god plass for dei bøker ein treng å slå opp i.
Og det er ikkje bare elevar ved Eilert Sundt VGS som vil setja seg inn i eit spesialtema, men mange vanlege menneske også. Eit kvart menneske går i laere så lenge det lever. Kunnskapstrongen varierar alt etter kva alder og interesse den enkelte har. Nokon treng å finna detaljar i eit fagfelt i tjukke tekniske bøker, mens andre bare vil vera oppdatert på kunnskap med å lesa dagens nyhende i ei eller fleire aviser.
Så, kjaere utbyggjarar av Eilert Sundt VGS! Ikkje øydelegg det flotte biblioteket me har i dag. Ikkje gjer det trongere mellom orda, bøkene og hyllene.
Hugs! Det er langt fleire enn elevane på skulen dykkar som vil søkja hit for å lera. Gjer Farsund biblioteket til ei kunnskapskjelde for alle som bur i kommune.
Alle tilsette på biblioteket skal ha masse skryt for velvilja til å søkja mellom dei mange tusen orda som står stabla i hyllene. Til sist finn dei i alle fall det eg treng av fakta. Gje dei tilsette ein triveleg arbeidsstad dei kan trivast med. Så: Inviter dei med i planleggjinga.