Noreg må bli medisinprodusent
Det er med uro eg les, ser og høyrer Noreg allereie har manko på fleire medisinar. Det gjeld også av heilt grunnleggjande medisinar.
Antibiotika og fleire andre medisinar blir produsert først og fremst i Kina, men også i andre land i Asia. Så blir dei ferdige pillene og tablettane sende til eit anna lågkostland og emballerte der før dei endar på eit grossistlagar nede i Europa. Det er der i frå det norske Legemiddelverket og Norsk medisinaldepot kjøpar inn tilgjengelege medisinar som er godkjente for bruk i Noreg.
Med den skumle nye influensaen som Wuhan-viruset (Corona-) kan føra til, aktualiserer det behovet for at me får vår eigen legemiddelindustri. Eg er sikkert på at det vil vera ei god investering for mange av våre oljemilliardar. Der det er patenter og andre eigarrettar, må det vel vera mogeleg å laga synonympreparat for desse, eller å kjøpa dei. Me kan sikkert henta inn ekspertise på dette fagfeltet, på like line med oppstarta av oljenaeringa i
Nordsjøen. Det er nok ikkje alle medisinar det er mogeleg å laga i Noreg, men eg vil tru det er mogeleg for mange slag. Så vidt eg veit har vetle Island ein stor farmasi-industri. Korleis har dei gjort det? Har Noreg noko å laera der i frå?
Så vidt eg veit har Noreg ingen store medisinprodusent i Noreg frå før av. Det er vel bare Lindesnes-fabrikken GE Healthcare AS som lagar nokre medisinar.
Politikarar på Stortinget i alle slags parti: Ta initiativet og få saka om norsk medisinprodusent på sakskartet. Det vil vaere til glede både for oss nordmenn, og elles alle våre verdsborgarar.
Ta initiativet og få saka om norsk medisinprodusent på sakskartet.