Valokuvanäyttelyn «YhessäYhdessä-Sammen» aukaisthaan
Tromssan ruijansuomalainen yhdistysNorskfinsk forening i Tromsø ja Ruijan kveeniliitto oon yhđessä Tromssan museuumin kans järjestänheet valokuvanäyttelyn. Näyttelyn aukaisthaan Tromssan museuumissa 6. oktooperikuuta klo 12. Kaikki oon tervetulheet sinne!
Muusikko Trine Strand aukaisee näyttelyn ja Suomen suurlähettiläs Erik Lundberg tuopi tervheiset nykypäivän Suomesta.
Näyttelyn kuvat oon valokuvakilpailusta mikä oli aikaisemmin tänä vuona. Jury oon valinnu kolme parasta kuvvaa mikkä saađhaan palkinon. Näyttelyssä oon kymmenen uutta valokuvvaa ja niitten rinnala kymmenen vanhaa valokuvvaa samasta aiheesta eli sen likeltä.
Kaikki kuvat mikkä lähetethiin kilpailhuun oon esilä digitaalisesti.
Kilpailun meininkinä oli valokuvviin ja näyttelyn avula muistela ja näyttäät ittele ja muile mitä met olema ja kunka met elämä ja nostaat meiđät ylös ja näkkyyville.
Näyttely oon Tromssan museuumissa januaarikuuhuun 2018 asti. Sen jälkhiin näyttelyn siirrethään Pohjais-Tromssan museuumhiin.
Kilpailun ja näyttelyn järjestethiin siksi ko Suomi täyttää 100 vuotta ja Ruijan kveeniliitto 30 vuotta. Näyttely oon osa Tromssan ruijansuomalaisen yhistyksen viralista Suomi100-programmii.