Systematisk bruk av ulovleg tvang

Omfattande og og makt, var konklusjonen etter tilsyn ved Grannes ressurssenter i fjor. No blir skulen endra. Grunnskulen for elevar med utviklingshemming blir no endra etter at kommunen har sett på forholda. Ein rapport som vart lagt fram for kommunestyret i Sola torsdag, foreslår å knytte Ressurssenteret nærmare til den daglege drifta ved Grannes skule. Elevane skal i større grad kunne tilhøyre vanlege skuleklasser.

– Elevane har ikkje hatt fast tilhøyrsle til ei skuleklasse, noko ein har rett på. Vi vil la foreldra velge om eleven skal få vere meir på nærskulen sin eller følgje opplegget som er på ressurssenteret. Det valet har dei alltid hatt, men valet har ikkje vore reelt nok, seier skulesjef John Askeland som har leia arbeidet med rapporten.

Det fører til at helsepersonell og miljøterapeutar må tilsettast i skulane ettersom mange av desse elevane har særskilte behov. Elevane som i dag går på senteret, vil framleis ha det noverande tilbodet på ressurssenteret. Det vart gjort einstemmig vedtak i kommunestyret for eit forslag om å utvikle tilbod i tråd med tilrådingane.

Haldningar

Fylkesmannen utførte i fjor tilsyn ved senteret etter varsling og omtale i Solabladet. Under tilsynet vart det avdekka at det for seks av senteret sine 15 elevar har blitt fylt ut tvangsprotokollar. Ein av elevane hadde blitt utsatt for tvang 54 gongar. Døme er hender som vart haldt fast til elevane blei rolige og elevar som blei reist opp eller haldne oppe frå gulvet mot sin vilje. Fylkesmannen meinte dessutan at den aggressive åtferda til elevane «i noen tilfeller oppstår eller eskalerer som følge av de arbeidsmetoder som brukes ved Ressurssenteret». Konklusjonen var at praksisen er uforsvarleg og ikkje i tråd med regelverket i Opplæringslova.

No vil kommunen også legge ein plan for kompetanseheving blant tilsette i Solaskulen. Askeland seier til Aftenbladet at det ikkje er snakk om mangel på formell kompetanse, men at haldningsarbeid og meir kunnskap er nødvendig. Skulen har mista viktig kompetanse siste året.

– Det er ikkje til å legge skjul på at det har vore stor fagleg usemje internt, med resultat at ein del tilsette har slutta.

Positiv til forslaga

Den ferske rapporten peiker på at det i etterkant av tilsynet er gjort fleire ting som sikrar dagens elevar rettane dei har. Praksisen med makt og tvang vart stansa umiddelbart etter tilsynet. Aftenbladet har forsøkt å kome i kontakt med rektor Helge Røyseland ved skulen,