Her takker Tom Cruise for seg

FILM: Mission Impossible blei i går ferdige med filminnspelinga på Preikestolen. Så dro Tom Cruise fra Sola i privatfly.

Det opplyser presseansvarleg for produksjonen, Amanda J. Brand. I ein mail til Aftenbladet bekrefter ho at dei hadde filminnspeling på fjellknatten torsdag, til trass for at vêret har vore heller surt.

Store stjerner

Tysdag skulle vere første dagen med filminnspeling for «Mission: Impossible 6» på Preikestolen, men dette blei utsatt på grunn av sterk vind. Onsdag var produksjonen i gang for å ta igjen det tapte.

Store stjerner som Tom Cruise og Henry Cavill har denne veka gjort heftige stunts i den stupbratte fjellveggen.

– Overraskande få besøkande Audun Rake, leiar i Stiftelsen Preikestolen, trur publisiteten vil gi fjellknatten enda fleire gjestar på sikt. Stiftelsen jobbar no for å få bruke materiale frå filmen i marknadsføring av turistmagneten. Preikestolen har i år hatt i underkant av 300.000 besøkande.

– Det som overrasker er at ikkje fleire kom for å sjå dette. Det har vore mindre enn 50 besøkande kvar dag, kanskje så lite som 10- 20 personar. Vi hadde trudd det skulle vere fleire skodelystne. Men det betyr jo samtidig at skadeverknaden er liten, at det er få som ikkje har fått gå opp på grunn av innspelinga.

Under sjølve opptaket har Preikestolen vore heilt stengt, men under førebuinga til innspelinga var det ope for publikum.

Det var i utgangspunktet i september at Tom Cruise, Henry Cavill og Rebecca Ferguson skulle til Preikestolen for å spele inn dei dramatiske sluttscenene til den nye Mission Impossible-filmen, men dette vart utsatt fordi Cruise skada foten.

TIPSFOTO: ANDERS BOWITZ KNUTSEN Tom Cruise reiste i går ettermiddag fra Sola.

Denne delen av jobben er gjort for Tom Cruise og produsent Christopher McQuarrie. I går forlot «Mission Impossible»-filmcrewet Stavanger.