Personalia

y Kari Einarsen (40) er frå

Stord, og har ei mastergrad i International hotel and tourism management frå Universitetet i Stavanger og Cornell University i New York. Ho arbeidar no med arbeidslivsforsking ved NORCE (tidlegare IRIS).

Kari Einarsen disputerte torsdag 8. februar for grada philosophiae doctor ved Handelshøgskolen ved UiS. Ho har forska på kva etiske organisasjonsstrukturar som kan hindre eller betre handteringa av mobbing og varsling på arbeidsplassen. Etiske organisasjonsstrukturar er formelle og uformelle reglar og rutinar i organisasjonen som avgjer kva åtferd som er akseptert, samt korleis ein skal handtere åtferd som strider med dei verdiar og normer som er satt i organisasjonen.

Avhandlinga bygger på to undersøkingar. Den første spør HR-ansvarlege og verneombod i norske kommunar om kva etiske organisasjonsstrukturar kommunane har i samband med handtering av mobbing.

I ei anna landsdekkande spørjeundersøking blei 1600 personar mellom 20 og 67 år spurde om arbeidsgivars etiske organisasjonssystem for å handtere klanderverdig åtferd, samt om deira observasjonar og varsling av klanderverdig åtferd.

Resultata syner at det å ha formelle og uformelle system frå etiske organisasjonsstrukturar generelt sett, samt sanksjonar i saer, er viktig for god handtering av varsla mobbesaker. Eit anna hovudfunn er at organisasjonar med god forvaltning av menneskelige ressursar generelt sett også har innført etiske infrastrukturar mot mobbing.

Storleiken på kommunen derimot har mindre å seie for om kor vidt organisasjonar har slike gode etiske organisasjonsstrukturar, medan kommunen sin økonomiske situasjon har ingenting å seie. Vidare viser funna at etiske organisasjonsstrukturar ikkje berre har betyding for om norske arbeidstakar varslar om klanderverdig åtferd, men det har også tyding for om varslaren ønskjer forlate organisasjonen i ettertid, i kva grad varslaren kjem til å varsle om klanderverdig åtferd i framtida.