Me vil ikkje ha ein mur mellom byen og hamnemiljøet
STAVANGER: Kommunen har lagt ut plan 2631 til høring, under det nøytrale navnet «Detaljregulering for Støperigata 18, Storhaug bydel».
Dette er den eigedomen der Spillerhougs Jernstøberi var lokalisert frå 1854. Fra 1873 som Stavanger Støberi & Dok, med to dokker på 225 og 295 fot, og med 14 fots dybde. Bygg nr. 1 var d/s «Nora», levert i 1881 til Thomas S. Falck, og siste bygg nr. 91 var «Vardvik» til Erling Marcussens rederi i Lyngør.
Bygg nr. 90 var d/s «Rogaland» til DSD, levert i 1929, og fortsatt i drift som Stavangers byskip, og freda kystruteskip, og leveransane i de 50 åra verftet var i drift, gjekk til i alt ni norske rederier, og fleire av båtane frå «dokken» var kjende lokalog kystbåtar.
Interessant historie
Stavanger Støberi & Dok har ei interessant historie, og Erling Jensen fekk gitt ut ei bok i 2008 som fortel om dette, mellom anna at arbeidarane tok initiativ til å skipa «Forbrugsforeingen Økonom» i 1900.
Dette området er det nå planar om «å utvikla», som det heiter i byggebransjen, i praksis bygga området ned med alt for mange hus eller blokker på eit relativt avgrensa område.
Etter mi meining må plan 2631 stansas eller modereras kraftig. Dokken må gravas fram igjen, og så nyttast til båthamn slik dei har gjort der Eriksberg Mek. Verkstad var i Gøteborg. Husrekka i Dokksmauet er omtrent inntakte frå den tid området var «Dokken», og heila Spilderhaugvika kan her få eit flott maritimt og historisk miljø.
Ta kampen
Stavanger kommune har vore «flinke» til å få vekk alt som kan minna om tidene som var og den verksemd som var i byen, eg tenke då på kranar, vareskur, jernbanelinjer som me hadde på Skagen- og Strandkaien. I Spilderhaugvika og Støperigata 18 kan minner om det som var, reddas, og eg vil oppfordra Bydelsutvalget på Storhaug og Stavanger Sjøfartsmuseum til å ta denne kampen.
For bydelen og byen vil etterkommarane takka dykk. Høg, tett blokkbebyggelse er ikkje det me vil ha som ein mur mellom byen og hamnemiljøet, ref. Strømsteinen, Siriskjaer, Kalhammarvigå, og sikkert andre. Den nye sentrumsplanen legg opp til meir av denne galskapen.