Mykje skal stemme før desse flya kan lette
SOLA: – Det er raskare enn lyden, seier Felix (4) om flyet han ser mest fram til å få oppleve under flystevnet.
– På førehand er det mykje trøbbel, mykje teknikk og mange ting som skal stemme for å få flya i lufta. Det er mykje arbeid, men er dei i lufta då er det i orden, og å halde dei i orden er av stor verdi, seier Tore Reimers, stedfortredande stevneleiar ved Sola flyklubb.
Laurdag var i overkant av 3000 mennesker til stades for å sjå flystevnet på Sola, som i år blei arrangert for sjette gong. Flystevnet er akrobatikk, lyden av gamle fly, barn med fargerike hovudtelefonar, menn med lange kameralinser og mennesker godt plassert i campingstolar. Det eldste flyet er frå 1930. Eigentleg skulle det fly enda eldre fly, frå første verdskrig, men det lot seg ikkje gjere.
– Den er raskare enn lyden Felix Johannessen-Beimel (4) løfter opp fingrane, held først opp éin finger og så fire. Det er nemleg desse klokkesletta han har sett seg ut. Då skal yndlingsflya opp i lufta.
– Starfighter han.
– Kvifor det?
– Fordi den er så superrask, den er raskare enn lyden.
– Kva var grunnen til at du begynte å like fly?
– Eg har sett video på pappa sin telefon.
Den vesle guten stiller i pilotdress og solbriller denne laurdagen. Han trippar like ved dei stilleståande flya og ventar på at det skal ta av.
blir best, seier
Felix er ikkje den einaste som ventar på Starfighter. Ei stor gruppe mennesker står i ring rundt praktverket. Flyet er nemleg Norges raskaste jagarfly nokonsinne, til og med raskare enn Norges nye kampfly, F35.
– Den er den einaste flygbare av denne typen i heile Europa. Det finst éin eller to som ein privatperson flyr i USA, men elles er det berre denne. Mange synest det er det finaste flyet dei har sett, seier teknisk ansvarleg Bjørn Ivar Lia.
For mange handler flyentusiasmen om kjensler.
– Flya har sjel, dei har opplevd ting. Og så har dei klart å halde seg heilt til i dag, seier Harald Hagen ved Sola flyklubb.
– I dag lagar ein gjerne fly som skal fungere på mange områder. Før laga ein flya for å fungere godt til eitt bestemt oppdrag, og det gjer dei veldig spesielle. Det er som å kjøre sportsbil i lufta.
Pilot i 43 år
Blant pilotane som flyr denne helga er der berre menn. Pilot Veronica Opsanger skulle gjerne vore i lufta. Som småbarnsmor til to tvillingar har det blitt vanskeleg å ta alle kursa ho har ønska, og som ho treng for å kunne fly mange av desse flya.
– Eg skal ikkje fly i dag, dessverre. Men eg vil veldig gjerne vise jentene at også kvinner kan drive med fly.
– Kvifor begynte du med dette? – Eg fekk flyginga inn med morsmelka, kan ein vel seie. Far min var pilot, og eg hugsar godt då eg var sju år og fekk sjå han fly.
I år er det flest lokale pilotar blant dei totalt 15 deltakarane, men den svenske piloten Per Cederqvist er likevel på plass.
– Eg flaug første show for 43 år sidan. Sidan har eg vore i det svenske flyforsvaret og vore instruktør i forsvaret. Men no går det mot slutten, dette blir min siste sesong.
Gigashow i 2017
For eit år sidan feira Stavanger lufthavn, Sola 80-års-jubileum. Då slo dei på stortromma og kunne i etterkant vere stolte av at i underkant av 30.000 mennesker kom for å sjå Sola airshow. I år heiter arrangementet Flydagen Sola og er ein mindre versjon.
I år var også første gongen vi i Sola flyklubb arrangerer heilt aleine. Første gong flystevnet blei arrangert var i 2000, deretter i 2004, 2007, 2012 og 2017. Ifølgje Tore Reimers ved Sola flyklubb er det enda ikkje bestemt om det blir nytt flystevne neste år.
Ei stor gruppe mennesker står i ring rundt praktverket. Flyet er nemleg Norges raskaste jagarfly nokonsinne, til og med raskare enn Norges nye kampfly, F35.