Klart og tydeleg nei frå politikarane til å fjerne bossdunkar
STAVANGER: Rådmannen sitt forslag om å fjerne 170 bossdunkar frå leikeplassar blei nedstemt.
– Kor skal folk gjere av søpla om vi fjernar søppelspanna?, spurde Kristen Høyer Mathiassen (H).
– Det er eit tulleforslag, sa Kristine Gramstad Wedler (Ap).
– Ein grunnleggande dårleg idé, sa Per A. Thorbjørnsen (V).
Utspela kom i forkant av møtet i Kommunalstyret for miljø og utbygging (KMU). Tysdag skulle nemleg politikarane stemme over eit forslag frå rådmannen om å fjerne bossdunker frå 170 leikeplassar i Stavanger.
Sterkt kritisk
Det var allereie før møtet kjent at politikarane ville gå imot forslaget frå rådmannen.
I vedtaket som blei einstemmig vedtatt, er meldinga tydeleg: « KMU er sterkt kritisk til at det er et avfallsreduserende tiltak å fjerne bossdunker på lekeplasser mm».
Bakgrunnen for at rådmannen foreslo å fjerne bossdunkane, er at fleire brukar dei til sitt eget private hushaldningssøppel og at folk til og med set frå seg søppelposar på utsida av dunkane.
Dugnad
– I staden for at vi har eigne bilar og folk til å køyre rundt til dei over 300 leikeplassane vi har, håper vi at vi får med folk på ein dugnad til å ta med søppelet heim. Dette gjeld dei minste leikeplassane utanfor sentrum, sa Leidulf Skjørestad, direktør for bymiljø og utbygging i Stavanger kommune, til Aftenbladet forrige veke.
KMU ber om at saka blir sendt ut på høyring slik at ein kan finne ei løysing på dette problemet.
Vidare vedtok dei at det skal kjøpast bossdunkar for 1 million.