Stå opp for skaparverket!
– «Sjå, himmelen og himmelen over alle himlar, jorda og alt som finst der, høyrer Herren din Gud til.», står det i dagens bibelord frå 5 Mosebok.
Vi er Guds skaparverk. Vi har fått forvaltaransvaret og er gitt å leva midt i dette kunstverket som skaparverket er.
For kyrkje er kampen for skaparverket og livet ei viktig oppgåve. Livet er inga sjølvfølgje! Vårt ansvar for å ta vare på naturen og verna klimaet på jorda handlar om kampen for menneskelivet. Det handlar om kampen for å redda livet i havet, livet i lufta og livet på landjorda.
Trua på Den treeinige Gud gjer at baerekraftig forvalting av skaparverket, nestekjaerleik og solidaritet med framtidige generasjonar, er umisselege verdiar for kyrkja, Skaparverket har eigenverdi, som oss, i seg sjølv.
Eg kan snakka mykje om det evige livet og drøyma om det som skal koma, håpet, ein ny jord og ein ny himmel, kor alt det vakre framleis er, og alt det vonde ikkje er.
Men vi har også ein jobb å gjera for livet her i kvardagen vår. I den siste tida har folk vakna opp i forhold til all plasten i havet og som også skyl inn langs kysten vår. Det har ført til eit stort engasjement blant mange til å organisera strandrydding fleire stader i landet. Og dette er positivt – det handlar om å ta ansvar. Vi som har fått så mykje kan ikkje la vaera å ta ansvar for den jorda vi har fått utdelt.