Besøksgardar i alle kommunar!
BARN OG UNGE: Ein besøksgard er ein møteplass som bidreg til å redusera avstanden og auke forståinga mellom dei som produserer maten og dei som et han.
Ein besøksgard er eit bindeledd mellom urbant og ruralt liv, og mellom fortid og framtid. Barn og unge som veks opp, både i by og på bygda, har ofte ikkje førstehands kunnskap om kvar maten kjem frå eller kulturarven gardane held i hevd. 4H Norge meiner difor at det er på tide med ein dugnad for folkeopplysning som saerleg born og unge treng, og vil nyte godt av, gjennom ei storstilt satsing på besøksgardar.
Over heile landet
Ein besøksgard er ein møteplass som bidreg til å redusera avstanden og auke forståinga mellom dei som produserer maten og dei som et han. 4H Norge har i dag eit nettverk av over 50 4H-gardar. Dei er plassert over heile landet og tek årleg i mot meir enn 400 000 besøkande. 4H Norge meiner at alle barn i landet bør ha tilgang til ein 4H-gard eller ein annan besøksgard.
4H-gardane tek mellom anna i mot barnehagar og skuleklasser og gjev born og unge kunnskap om økologiske samanhengar, matproduksjon, dyr og natur. Det er kvalitetar ved utandørs undervisning som ein ikkje finn i eit klasserom, og dei kan nyttast som ei viktig kjelde for å tilby elevane meiningsfulle og kreative laeringsprosessar. Mange av gardane ligg og slik til at dei kombinerer aktivitetar på garden med friluftsliv, og kan vise fram matauk frå skogen eller sjøen som supplement til landbruksproduksjon. Når elevar får vere i kontakt med dyr og natur, får dei opplevingar og erfaringar som dei vanlegvis ikkje får i eit klasserom.
Stort mangfald
Ein besøksgard er ein god arena og møtestad mellom ulike brukargrupper og generasjonar. Mangfaldet av besøksgardar er stort, og spenner frå små gardar som utelukka driv besøksverksemd til store produksjonsanlegg. Felles for dei alle er at dei brenn for dyrevelferd, rein mat og ikkje minst formidling av dei verdiane som ligg til grunn for norsk landbruk.
4H Norge krev at det blir arbeidd for at det i alle kommunar finst minst ein besøksgard der barn og unge kan laera om matproduksjon og matkultur. I tillegg til å organisere aktivitetar for barnehagar og skuler gjennom året, bør besøksgardane vere opne i helger og feriar slik at folk i alle aldrar kan nyte godt av dei.