Elsk fiendane dykkar
«Elsk fiendane dykkar, velsign dei som forbannar dykk, gjer vel mot dei som hatar dykk, og be for dei som mishandlar dykk og forfølgjer dykk» (Matt 5,44) Å elska fiendane er ein av dei radikale bodskapane i kristendommen. Det er sjølvsagt viktig at vi skal elska dei som elskar oss, men ikkje vanskeleg. Det å vera snill mot dei som fortener godheita vår, er heller ikkje vanskeleg. Når Jesus seier at vi skal elska fiendane våre, snur Han alt på hovudet.
Å gjengjelda vondt med godt og elska fienden – er ikkje ei oppmoding til sjølvutsletting. Det er ei oppmoding til å bryta den vonde sirkelen. Det er ikkje enkelt å vita korleis det skal gjerast. Ein stad må fiendskapen, det vonde og hatet stansa. Men ikkje ved å gløyma, unnskylda eller la den som har gjort urett, gå fri.
Martin Luther King har skrive «Hat kan ikkje driva ut hat, det kan berre kjaerleiken».
Det må begynna med kjaerleiken. Vi må saman arbeida for at lyset skal vinna over mørket, ved å vera gode medvandrar, sjå einskildmenneske, skapa gode møteplassar og å ta håpet og kjaerleiken med oss ut i kvardagen.
Og Jesus har vist oss kjaerleiken gjennom måten han var overfor menneska når han vandra rundt på jorda.
Elsk fienden med Herrens hjelp. Gå til Han om du mislykkast. Det handlar om både å innsjå maktesløysa vår ved å vera menneske, men også høve vi får til å starta på nytt. Jesus har vist oss kva retning vi bør gå.