Sjefen ventar 70.000 tilskodarar under Blinkfestivalen
BLINK I SANDNES: Det er venta rekordmange under årets Blinkfestival. Den uvanlege varmen har gitt nye utfordringar under rigginga.
– Vi har talt mellom 60.000 og 70.000 menneske i mange år, men vêret gjer at det er venta enda fleire i år, seier arenaansvarlig Roger Årdal.
Etter ei rekordvarm helg, kjem mandag og tysdag med store mengder nedbør, men så er det igjen venta høg temperatur og steikande sol.
Me møter Årdal fredag, ein av desse dagane då sola steikar på asfalten og folk søker tilflukt i skyggen.
– Vi har litt HMS-utfordringar i år på grunn av varmen som vi ikkje er heilt vande med. Vi har hamstra salttablettar og solkrem. Det er ikkje nok berre å be folk drikke vatn når det er så varmt som no, seier han.
Starta rigginga i god tid
–Det blir lange dagar i denne varmen, seier Sandra Frost som er hyra inn for å rigge gjennom Axelar, selskapet som står bak festivalen. Ho har jobba under festivalen fire år på rad.
Årdal er leiar for eit riggeteam på rundt 30 personar som allereie to og ei halv veker før festivalstart begynte å gjere klart. Vegane inn til Ruten stengte ei veke før.
Byen har gradvis endra seg. Enkelte stadar er det lagt asfalt, tribunene er snart klare, og gjerder er satt opp gjennom heile sentrum.
Publikum er på plass Skifestivalen varer frå onsdag til laurdag. Allereie fredag veka i forvegen har ekteparet AnneLise og Bjørn Austerå kapra båtplass i Vågen. Ein må vere tidleg ute.
–Vi har eit barnebarn som stiller i år. Vi får som regel alltid med oss Blinken, det passar så godt fordi vi gjerne kjem heim frå ferie veka før.
I Sandnes sentrum er det rigga VIP-tribuneplassar til 3000 personar i eit område på 1000 kvadratmeter. Årdal trur mange vil få med seg løpa, både frå tribune og ståande langs løypa.
Onsdag blir Blink-langløpet arrangert for første gong, eit løp der både eliteløparar og mosjonistar kan delta i forskjellege klasser. Torsdag er dagen for Lysebotn Opp og fredag og laurdag inntar eliteløpa gjennom Sandnes sentrum.
–Johaug er tilbake i løypa. Det er det nok mange som ønsker å få med seg, seier Årdal.
Festivalen har tidlegare vore ei veke tidlegare, men med Gladmaten og Tall Ship Races i Stavanger valde arrangørane å flytte litt på det.
Folkefest
Med underhaldning, konsertar, gratisbrunsj og opplegg for barna, har den gjennom åra utvikla seg til å bli langt meir enn ski. Her er nokre av folkefestens høgdepunkt: y For heile familien: Folkefest på Ålgård, onsdag klokka 16– 23 med aktivitetar for barn, underhaldning på scena og grillkveld. Barnas By med rulleski og skiskytaraktivitetar på Ruten, både fredag og laurdag frå 12–21. y Gratiskonsertar: CC Cowboys på Ålgård, onsdag klokka 21.15. Vamp i Sandnes, fredag frå klokka 20.30. Afterski-parti/Odd Nordstoga i Sandnes, laurdag klokka 21.30. y Gratis brunsj: Laurdag klokka 11–12 i Sandnes, med musikk frå Bønni Band. I fjor blei det delt ut 10.000 porsjonar mat blir kvart år delt ut her.