Wirak reagerer på bompengeutspel frå Solvik-Olsen
BYMILJØPAKKEN: Samferdselsministeren seier det ikkje er krav om å bruke bompengar for å finansiere den lokale kollektivtrafikken. Korleis kan han seie dette, og samtidig ikkje love meir statlege midlar, spør Stanley Wirak (Ap).
Regjeringa stiller ikkje krav om at ein nyttar bompengar for å finansiere dei nye prosjekta i bymiljøpakken, skriv samferdselsminister Ketil Solvik-Olsen (Frp) i eit debattinnlegg i Aftenbladet i dag.
«Jeg har også merket meg at enkelte lokale politikere sier staten har bestemt bomtakstene på Nord-Jaeren,» skriv han i innlegget, og tilbakeviser dette.
Bompengane blir innført for å finansiere bymiljøpakken med bussveg, sykkelstamveg, gangog sykkeltiltak og E39-utbetringar. Den er i vedtatt eit einstemmig i Stortinget, som ga klarsignal til å innkassere 25,3 milliarder (2016-kroner) i bommen over 15 år. Nord-Jaeren og staten avtalte i fjor at staten bidrar med sju milliardar kroner.
– Slutte å bygge vegar?
Stanley Wirak, Sandnes-ordførar og leiar i Rogaland Ap, får ikkje ministeren sitt utspel til å gi meining.
– Meiner han at ein ikkje skal bruke bompengar, ja då må han også kome opp med ein annan måte å finansiere det på. Dersom det ikkje kjem meir pengar frå staten, lurer eg på kva han meiner vi skal gjere. Skal vi slutte å bygge vegar?
Rogaland Arbeiderparti vedtok på eit styremøte torsdag eit krav om at finansieringsordninga av bymiljøpakken på NordJaeren må vurderast på nytt. Dei meiner det var ein føresetnad at auka statlege krav til vegbygging og kostnadsauke på riksvegar, skal dekkast av staten.
Vil forhandle om nivået
Nyleg har Wirak uttalt at ein bør revurdere rushtidsavgifta, som partiet tidlegare har vore med på å vedta. Og Aps stortingsrepresentant Torstein Tvedt Solberg har sagt han opnar for å forhandle om nivået på bomtakstane.
I Stortinget har Frp vore med på å vedta bymiljøpakken, men lokalt stemte partiet imot i alle kommunestyra. Signala frå Ap, gir håp i Frp lokalt, som i ei pressemelding i helga inviterer partiet til å møtast for å diskutere korleis ein kan kutte i bomsatsane. Fremskrittspartiet lovar å stille med alle sine gruppeleiarar i samtlege kommuner på NordJaeren og i fylkestinget.
– Bomringane på Nord-Jaeren vil svi knallhardt for bilistane og naeringslivet. Difor inviterer vi Arbeiderpartiet til eit møte for å så raskt som mogleg diskutere korleis vi kan kutte i bomtakstene, seier varaordfører i Sandnes, Pål Morten Borgli (Frp) i pressemelinga.
Partifelle Tom Henning Slethei frå Sola Frp seier dei ikkje har diskutert eksakt kva dei vil foreslå på dette møtet. Invitasjonen er svaert open, både når det gjeld tid og stad. Bakgrunnen for at dei ønsker eit slikt møte, er dei nye signala frå Ap.
– Vi opplever at fleire parti, blant anna Ap, ser ut til å gå i ei ny retning. Med dette møtet ønsker vi å sjå om dei faktisk meiner alvor. Gjer dei det, kan vi danne fleirtal for å endre dette, seier Slethei.
Nessa: – Useriøs invitasjon Ifølgje Slethei er Frp opne for å både sjå på rushtidsavgifta, nivået på takstane og kor vidt ein kan kutte på noko av tilskuddet til kollektivtrafikken. Han understrekar at dei primaert meiner regjeringa bør auke støtta, slik også Ap meiner.
Wirak viser til at det allereie er planlagt eit forhandlingsmøte mellom fylkespolitikarar og representantar, men at dei gjerne vil lytte til gode innspel.
– Også vi ønsker å få ned rushtidsavgifta, og er interesserte i å høyre gode forslag.
Kari Nessa Nordtun i Stavanger Ap opplever invitasjonen frå Frp som useriøs.
– Frp veit at det berre er Stortinget som kan endre bompengevedtaket. I tillegg er det slik at Frp er ein del av eit fleirtal både nasjonalt og i Stavanger. Arbeidarpartiet er det ikkje. Dette tyder på ein desperasjon etter fem tapte år utan å ha knapt løfta ein finger for å få ned bompengebelastninga i Rogaland. På Stortinget har dei stemt imot 70 prosent finansiering som kunne fått ned prisen, seier ho.
Dersom det ikkje kjem meir pengar frå staten, lurer eg på kva han meiner vi skal gjere. Skal vi slutte å bygge vegar?
Stanley Wirak (Ap), ordførar i Sandnes