Kø på Kapittel. Men nå kjem stormen
– «Torsdag klokka 12, ja,» tenkte eg. «Då blir me kanskje to-tre stykke». Men sånn blei det ikkje. Det er kjempemoro å sjå så mange her, seier Simon Stranger.
Klokka har så vidt passert 12, det er torsdag i kinosal 5 på Sølvberget, og i nesten alle dei 268 stolane sit det folk. Dei har kome for å høyra Stranger snakka om si nye bok – og allereie ein av haustens store suksessar: Romanen «Leksikon om lys og mørke».
– Rett før de kom, krabba eg rundt på golvet her med dragar og greier og salen full av barneskuleungar, fortel Stranger. Han har gitt ut 13 bøker, både for barn og vaksne. Han syns det er fantastisk å kunna leva av fantasien sin, av å ha blitt fulltids forfattar. Det var det han ville, allereie frå han var sju år. Endeleg har han kome hit, bøkene gjer det godt både i Norge og i utlandet.
– Det er ein draum som er blitt verkeleg, seier Stranger.
Blanda onsdag
Køen utanfor kinosalen var så lang i går at Linn Tønnesen var spent på om alle ville få plass. Kapittel starta onsdag, med utselt nynorskforedrag av Tore Renberg og fleire fulle hus, men også enkelt arrangement som ikkje hadde så mange i salen.
– Sånn er onsdagen på Kapittel. Eg hadde ikkje venta at alt skulle vera smekkfullt, seier festivalsjef Espen Røsbak.
Inne i sal fem fortel Stranger om då han var ungdom, om då han var meir i tvil om kva han skulle bli, om at han ei stund var sikker på at jorda skulle gå under, at han ein periode gjekk rundt i hatt og frakk og røykte pipe og var 10.000 år gammal.
– Sidan har eg blitt yngre og yngre, seier Stranger.
STAVANGER: – Eg veit ikkje om det er best eller verst med 26 plussgrader – som i 2016 – eller hauststorm for publikumsoppslutninga på Kapittel, seier festivalsjef Espen Røsbak.
Storm og litteratur
Ute i foajeen er festivalsjef Røsbak spent på kva som skjer når hauststormen slår til. Han veit ikkje om det er bra eller dårlig for publikumsoppmøtet at det blir uvêr. Er det best eller verst for litteraturfestivalen at det er fint eller stygt vêr?
– Folk veit jo at det er godt og varmt inne hos oss, så eg har ei god kjensle, seier Røsbak, mens Stranger inne på bokpraten i sal 5 har kome til starten:
– Arbeidet med «Leksikon om lys og mørke» starta heime på kjøkkenet den dagen eg fekk vita at svigermor vaks opp i huset til Henry Rinnan, seier Stranger.
Så er han i gang.
Klokka har så vidt passert 12, det er torsdag i kinosal 5 på Sølvberget, og i nesten alle dei 268 stolane sit det folk.