Aldri før er det målt så mykje regn i Stavanger
REKORDVÊR: I Stavanger har det aldri før vore målt meir nedbør enn i september. Samla sett har fylket hatt dobbelt så mykje nedbør som normalt.
Det er ved vêrstasjonen i bydelen Våland i Stavanger sentrum at det aldri før har blitt målt meir nedbør enn det blei no i september.
Stasjonen som har hatt målingar sidan 1895, viser at det i Stavanger var 316 millimeter nedbør i september. Den 44 år gamle rekorden på 305 millimeter, frå 1974, blei altså slått, ifølgje StormGeo si vêroppsummering for september.
Rekorda er altså frå målestasjonen i Stavanger, og ikkje i Sola. Der blei det i 1974 blei målt heile 328 millimeter nedbør.
Rogaland: Dobbelt så mykje Ser ein heile fylket samla, viser statistikken at det har regna dobbelt så mykje som normalt i Rogaland. Gjennom heile september var det berre tre dagar utan nedbør, dagane 2., 3. og 4.september. Dei 27 andre dagane har det regna.
Aller våtast var det ved Hundseid i Vikedal, med heile 699 millimeter nedbør.
September har også vore svaert vindfull. På målestasjonen på Sola blei det målt 15 døgn med kuling eller enda kraftigare vind.
Ekstremvêret «Knud» Ekstremvêret «Knud», fredag 21. september, feide først innover Sørlandet, tok for seg Sørvestlandet, og traff deretter med full styrke i dei fire fylka Oslo, Akershus, Vestfold og Austfold, som alle fekk heva farenivået til raudt nivå av Meteorologisk institutt.
Stormsenteret blei danna i sentrale delar av Nordsjøen, og utover kvelden kom det også innover Rogaland. Sør i fylket var det målt vind i orkanstyrke – på Eigerøya ved Egersund blei det målt vindkast oppmot 43 meter i sekundet.
Medan det i Eigerøya og Lindesnes blei registrert orkan, var det ved Obrestad og Utsira sterk storm. Ferjetrafikken stod stille både over Boknafjorden og i Tau-sambandet. Ingen alvorlege personskadar blei meldt frå om
Også onsdag førre veke, 26. september, utmerka seg. Då blei det ved stasjonen Liarvatn, aust for Jørpeland, målt heile 90 millimeter nedbør i løpet av seks timar då ein kaldfront frå vest traff Veslandet med det uvanleg kraftige regnet.
Fire varme dagar
Oversikta viser at eit høgtrykk gjorde det ganske mildt i starten og midten av månaden, før det blei kjølare spesielt i siste veka. Fire dagar hadde meir enn 20 grader i Stavanger.
Berre éin dag kvalifiserer til det ein kallar «penevêrsdag». Sist det var så få slike dagar, var i oktober for eit år sidan.
18.september var månadens varmaste dag med 22,9 grader målt i Sola, 23,3 grader i Stavanger og 24,9 grader i Fister.