Bente Heiberg Danbolt er død
Bente Heiberg Danbolt, fødd i Oslo i 1937, døydde laurdag 6. oktober, naer 81 år gammal. Det er mange i skule-Noreg og i fagrørsla som med stor respekt minnest ein dyktig laerar og ein skarpskodd tillitsvald.
Bente Heiberg Danbolt var utdanna adjunkt. Ho begynte først i grunnskulen i Kristiansand, seinare underviste ho i mange år ved Gosen ungdomsskole i Stavanger. Streng, men rettferdig, sa mange elevar om henne. Ho avslutta yrkesløpet som personalsjef i Stavanger kommune.
Bente Heiberg Danbolt har saerleg sett spor etter seg som tillitsvald. Ho representerte Norsk lektorlag lokalt tidleg på 1980-talet. Dette var starten på ei lang periode som topptillitsvald. Først i Norsk Undervisningsforbund(NUFO), deretter i Laerarforbundet.
Organisasjonsbyggging prega Bentes arbeid som tillitsvald og leiar i alle år. Ho blei medlem i NUFOs sentralstyre i 1987. Seinare blei ho nestleiar – først i NUFO, og deretter i Laerarforbundet, som blei etablert i 1993. I ein mellomperiode var ho også leiar i NUFO. Ho hadde i tillegg sentrale verv i Akademikernes Fellesorganisasjon.
Heiberg Danbolt var viljesterk og raus. Ho var stolt av laeraryrket og av organisasjonen sin. Dette kom ekstra tydeleg til uttrykk då NUFO/Norsk lektorlag markerte 100-årsjubileet sitt i 1992, med Bente som høgtidsstemt festleiar.
Bente Heiberg Danbolt var ei drivande kraft i etableringa av Laerarforbundet, som kom etter samanslåing av fire laerarorganisasjonar. Gjennom dette var ho også med på å legge eit viktig grunnlag for skipinga av Utdanningsforbundet.
Sjølv om Bente var tillitsvald døgnkontinuerleg i mange år, var ho også eit familiemenneske.
«Eg må heim til Stavanger i helga, om enn berre for å snu», sa ho av og til. Tankane går no til ektemannen, Eivind og til familien elles, som står att med den tunge sorga.