Ullandhaugtårnet får likevel julelys
STAVANGER: Kronerulling blant naeringslivet i Stavanger-regionen har ført til at det likevel blir julelys på Ullandhaugtårnet i år. Kommunen vil ta ansvar for å finne ei meir varig løysing.
Etter 17 år med julepynt på Ullandhaugtårnet, vil ikkje Telenor lenger bidra med dette. Dette fordi det er ei ressurskrevande og kostbar oppgåve.
I går meldte NRK at ei kronerulling blant naeringslivet i regionen sikrar framleis julepynt. Blant bidragsytarane er Bjerga Bygg AS og energiselskapet Lyse.
Julelys likevel
Ifølgje Telenor vil det koste 150.000 kroner å henge opp julelys i år. Lysa åleine kostar rundt 100.000 kroner. Å ta lysa opp og ned kostar mellom 30.000 og 50.000 kroner.
– Det vi bestemte oss for er at dersom innsamlingsaksjonen klarer å få inn 70.000 kroner, så ordnar vi resten, seier Magnus Line, informasjonssjef i Telenor, til Aftenbladet.
I går morges var innsamlinga oppe i 112.000 kroner.
Ordføraren vil garantere lys Vind og ising øydelegg lysa og gjer at Telenor må kjøpe nye lys om lag kvart andre år. I år kunne dei ikkje bruke lysa frå i fjor. Då dei utan hell har forsøkt å få med både kommunen og andre aktørar til ein dugnad for å oppretthalde tradisjonen med julelys, såg Telenor tida som moden for å slutte med ordninga.
– Vi håper sjølvsagt at tradisjonen skal vidareførast, men det må finansierast på ein annan måte i framtida. Dersom vi får slike midlar kvart år, skal vi sørge for å stille masta til disposisjon, men vi kan ikkje lenger stå for dette åleine. Vi er i ei fase der vi er nøydd å kutte kostnader, og vi prioriterer utbygginga av mobilnett og breiband, seier Line.
Ordførar i Stavanger, Christine Sagen Helgø (Høgre), seier kommunen vil ta ansvar for at det ikkje trengs kronerulling kvart år.
– Vi vil stille som garantist. Eg har snakka med Lyse som også seier dei vil vere med på eit spleiselag. Situasjonen er løyst for i år, men vi må finne ei ordning for å unngå same problemstilling neste år. Kommunen vil ta ansvar for å at det blir eit fast opplegg rundt dette, seier ho.
Det var Anja Ariel Tørnes Brekke som i 2001 skreiv brev til dåverande ordførar Leif Johan Selvland og foreslo at tårnet blei pynta til jul. Anja Ariel var då fem år og fekk aera av å slå på lysa.
– Folk spør meg kvart år korleis eg kom på dette, og det er ikkje heilt lett å svare på kva ein tenkte då ein var fem år. Eg gjekk i barnehage like ved universitetet og vi køyrde difor forbi der kvar dag. Eg trur litt av logikken min var at tårnet var eit slags tre, så då passa det å pynte det som eit juletre. Så sa faren min at eg måtte skrive eit brev og teikne det slik eg ville ha det, seier ho i dag.
Ho er glad tradisjonen er berga. – Det er ei fin julegåve. Dette er ein tradisjon som har hatt mykje å seie for mange, eit symbol å samlast rundt. Det er verkeleg kjempebra at ein har klart å berge det.
Ordførar Christine Sagen Helgø rosar naeringsaktørane.
– Ullandhaugtårnet er eit viktig symbol og landemerke som er synleg frå store delar av Stavanger og nabokommunane. Den 17 år gamle juletradisjonen er viktig for innbyggarane våre. Vi ser at engasjementet blant folk om å få på plass julelysa er stort – også i år, seier ho.