Helsesøstre får hjelp til å snakke om vald mot spedbarn
STAVANGER: Barnepsykolog Ingrid Kristine Aspli har laga ein film som skal hjelpe helsesøstre å snakke med nybakte foreldre om vald. Kripos meiner den bør bli obligatorisk å bruke.
– Målet er at det skal vere trygt å vere liten i Norge. Ein snakkar mykje om kor fantastisk det er å bli foreldre, men det er óg vanvittig vanskeleg. Dette er underkommunisert, seier barnepsykolog Ingrid Kristine Aspli.
Saman med tre helsesøstre har Aspli laga informasjonsfilmen «i trygge hender» på oppdrag for Landsgruppen av helsesøstre. Filmen handlar om fysisk og psykisk vald mot spedbarn og skadene dette kan føre til.
Som småbarnsmor har
Aspli aldri opplevd at helsesøster spurte om vald eller sinne.
– Eg har ringt helsestasjonen som mor og sagt at eg skulle ønske dei spurte om dette. Det må bli heilt naturleg å vite at du på helsestasjonen skal snakke om sinnet og kjensla av å miste kontrollen. Om foreldre veit at dette temaet blir tatt opp, slepp dei å føle at dei blir spurt fordi helsestasjonen har saerleg bekymring retta mot dei.
Alle landets helsestasjonar får tilbod om å bruke filmen. Den er testa av 37 foreldre og tilbakemeldingane er så langt positive.
– Fedrene at dei ikkje visste Stortinget vedtok i 2016 at det skal lagast ein opptrappingsplan mot vald og overgrep. Den blir utarbeida no. Som ein del av dette meiner Kripos at filmen må bli obligatorisk å sjå for alle som får sitt første barn.
– Vi bør kreve at begge foreldre skriv under på at dei har sett den. Filmen bør visast så tidleg som mogleg, helst før dei reiser heim frå sjukehuset og seinast etter seks veker, seier Kåre Svang, etterforsknigsleiar i Kripos i valdssaker som gjeld barn mellom null og tre år.
– Det har direkte samanheng med vår etterforskning i slike saker. I retten har eg fleire gongar høyrt fedre bortforklare vald med at «ingen fortalde meg at det var gale å riste babyen». Vi må få bort moglegheita som finst til at slike bortforklaringar kan føre til at ein blir frifunne.