Vil ha Leif Larsengate
STAVANGER: Christian Wedler (Frp) meiner tidlegare Arbeiderpartietordførar Leif Larsen har fått for lite av aera for at Stavanger blei oljehovudstad. – Vi politikarar bestemmer ikkje over historiebøkene, men noko kan vi likevel kan gjere for å løfte Leif Larsen fram, seier Christian Wedler (Frp). Han meiner den tidlegare Arbeiderparti-ordføraren har hamna i skuggen av etterfølgaren Arne Rettedal (Høgre). Larsen var ordførar frå 1968 til 1971.
–Eg meiner det bør vere ei sentral gate, til dømes ved Rådhuskvartalet, men dette må sjølvsagt diskuterast politisk.
I neste møte i Kommunalutvalet vil han be ordførar Christine Sagen Helgø ta saka vidare til gatenamnutvalet som tar stilling til gatenamn.
Det var serien «Lykkeland» som fekk Wedler til å innsjå at Larsen kanskje burde fått ein større plass i historiebøkene. Her er det ofte Rettedal som får ting til å skje, medan Larsen har ei mindre sentral rolle.
– Eg er veldig interessert i oljehistoria til byen og har følgt med på serien med stor glede. Serien fekk meg til å lese meir om byens historie og eg innsåg då kor stor rolle Leif Larsen og Arbeiderpartiet har hatt i desse kritiske åra. Som Frp-ar har eg ingen problem med å seie dette høgt, seier Wedler.
– Larsen blei etterfulgt av ein mann som er kjent for si handlekraft. Dette er nok grunnen til at folk ikkje er like kjent med kor stor rolle Larsen hadde.