Lars Søndenå er død
MINNEORD: Lars Søndenå er død. I april ville han ha blitt 90 år. Lars voks opp på garden Søndenå i Sandeid. Han var nummer 8 i ein barneflokk på 13. Som 17-åring reiste han til Mosterøy for å bli dreng hos søskenbarnet sitt, Arne Sunnanå. Her tok han del i gardsstellet og var med og bygde ny løe. I 1950-51 var han i Tysklandsbrigaden. Her fekk han oppleva eit utbomba og nedslite Tyskland. Han var seinare aktivt med i laget som blei skipa for soldatar som hadde vore med i brigaden. Han var mellom anna med på turar til Tyskland, og han fortalte om sine opplevingar som soldat i ulike samanhengar.
Etter militaertenesta gjekk på arbeidsskulen på Sand. Her laga han mellom anna møblement til både stove og soverom. Dette kom vel med då han i 1956 gifta seg med Bjørg Sørhus frå Øvre Vats. Dei fekk fire barn. Møblar som han laga, er ennå i bruk hos barnebarn.
I fem år hadde Lars jobb på handelslaget i Ølen der broren Toralv var styrar. Medan han var der, tok han handelsutdanning i Stavanger. I 1956 blei han styrar ved handelslaget i Nedre Vats. Han hadde lett for å omgås folk, var kvikk i replikken og var hjelpsam og omsorgsfull.
Etter 23 år ved handelslaget tok han initiativet til å oppretta eit felles rekneskapskontor for handelslag i Ryfylke. Han styrte dette kontoret i 17 år til han blei pensjonist.
Lars var interessert i politikk og samfunnsforhold. Han las mykje, spesielt bøker om 2. verdskrig. Han