Vikarane er ikkje rusta for kvardagen i barneskulen
STAVANGER: Når vikarane er ukvalifiserte, krev det ekstra mykje av dei andre laerarane. Rektorar har store problem med å finne vikarar til dei minste borna.
– Kvardagen som laerar er krevjande. Vi skal i aukande grad handtere utagerande elevar. Mediene skriv at vald mot medelevar og laerarar har auka siste åra. Det gjer klasseleiing viktigare enn nokon gong, seier Ninette Hoem Hegre, laerar ved Tjensvoll skole i Stavanger.
Skulen har så langt dette skuleåret rapportert inn om lag fire gongar så mange undervisningstimar gitt av ein person utan riktig kompetanse, samanlikna med førre skuleår. Det gjer dei ikkje verre enn andre skular i Stavanger.
Utdanningsforbundet ser utviklinga i samanheng med at mange laerarar må ta etterutdanning for å tilfredsstille nye krav. I mellomtida blir det sett inn vikarar utan riktig kompetanse.
– Dei ukvalifiserte vikarane kan vere dyktige i fag, men kan gjerne ikkje klasseleiing godt nok. Det krev mykje rettleiing frå oss laerarane, seier Hoem Hegre.
– Det er ei belastning for vi som står att. Dei som tar vidareutdanning er langt på veg ute av undervisning og kan ikkje vere kontaktlaerar, seier Margrethe Wallem Fossan, laerar og tillitsvalt ved Tjensvoll skole.
Laerarmangel
Ifølgje rektor på skulen, Anita Legland, har alle vikarane studier som er relevant for laeraryrket, men få er kvalifisert for å undervise på dei minste trinna. Dei har gjerne studert pedagogikk retta mot 5. trinn og oppover.
I 2018 blei den nye laerarnorma sett i kraft. Det inneber at det skal vere éin laerar per 16 elevar i 1.-4. trinn og éin laerar per 21 elevar i 5.–10. Samtidig viser tal frå Udir at over tusen laerarar i Rogaland naermar seg pensjonistalder. Dermed blir behovet for nye laerarar stort.
– Det er utruleg viktig for elevane å få laerarar med riktig kompetanse. Til hausten treng vi tre nye laerarar på dei minste trinna. Målet er å få nokon som er kvalifisert for dette, men då må vi arbeide hardt. Når vi luker vekk alle som ikkje har riktig kompetanse, er det tydeleg at Stavanger har ein generell laerarmangel, seier Legland.
– Vi taper
Gautesete skole har rapportert inn om lag like mange timar gitt av ein person utan riktig kompetanse som Tjensvoll skole.
– For vår del er det litt tilfeldig at det blei slik. Vi har tre ukvalifiserte vikarar, men desse er i ferd med å ta utdanning, seier rektor Knut Ytre-Arne.
På barneskulen Nylund opplever rektor Frøydis Anthonsen at dei taper i kampen om hovuda.
– Skulen er midt i ei omfattande rehabilitering. Vi har ein sprengd situasjon der enkelte klasser er flytta til brakker fordi vi ikkje har plass nok og der vi må ha delte friminutt fordi skulegården er for liten. Arbeidsforholda vi kan tilby er ikkje forlokkande, seier ho.
Også her er det på dei minstre trinna situasjonen er mest krevande. Ifølgje Anthonsen er behovet for vikarar spesielt stort no.
– Laerarar vidareutdannar seg og blir borte to dagar i veka. Dermed treng alle skulane fleire vikarar som kjem i tillegg til behovet som alltid vil vere på grunn av babypermisjon.