To mister jobben ved Veterinaerinstituttet på Høyland

SANDNES: Kutta ved Veterinaerinstituttet i Sandnes er mindre enn frykta, men to tilsette må gå, og to tilsette går ei uviss framtid i møte. I februar blei det kjent at Veterinaerinstituttet nedbemanner. Ved avdelinga på Høyland i Sandnes hadde to tilsette i går fått førehandsvarsel om oppseiing, opplyser direktør Gaute Lenvik.

To tilsette er sikra jobb «inntil vidare» medan fire veterinaerar og ein ingeniør er heilt trygge.

Kutter mest i Oslo Nedbemanninga skuldast at Veterinaerinstituttet må spare inn 20 millionar i 2019. Ifølgje Lenvik heng dette i stor grad saman med at hovudkontoret blir flytta frå Oslo til Ås, noko som har store kostnader.

Då det blei kjent at Veterinaerinstituttet måtte kutte, tolka mange det som at ein ikkje lenger skulle ha ein desentralisert struktur. No viser det seg at halvparten av nedbemanninga vil skje i Oslo og halvparten fordelt på regionkontora.

Veterinaerinstituttet har avdelingar i Sandnes, Harstad, Trondheim, Bergen, Tromsø og Oslo.

Totalt mister 13 av om lag 300 tilsette jobben. Sju av desse har arbeidsstad i Oslo medan resten jobbar på regionkontora.

– Risikoen for sjukdom er relativt sett høgare i Rogaland enn andre stadar ettersom dette er det mest dyretette området i Norge. Difor er det viktig å vere sterkt til stades der, seier Lenvik.

Meir analyse

Ved regionkontora skal det ikkje lenger utførast laboratorieverksemd. I praksis inneber det at når Mattilsynet eller bønder har mistanke om sjukdomsutbrot, vil prøver frå dyra bli undersøkt ved Ås og ikkje lokalt.

– Framover vil det diagnostiske arbeidet vere meir prosjektog risikobasert, det vil seie at vi i større grad vil gå grundig inn i bestemte felt. Til dømes vil vi kanskje eit år meine at vi må undersøke grisebestanden i Rogaland, seier Lenvik.

Difor blir avdelinga i Sandnes eit «Nasjonalt kompetanse- og kurssenter for beredskap og besetningsdiagnostikk». Her skal ein kurse Mattilsyn og veterinaerar til å ta ut prøver, og ha kompetanse til å tolke og analysere prøver som er tatt.

Frykta større kutt Veterinaerane skal vere dyreartsansvarlige, det vil seie at dei er spesialisert på sjukdommar og helse ved bestemte dyreartar.

Dei to som mister jobben i Sandnes har jobba på laboratoriet.

– Noko av laboratorieverksemda knytta til overvaking av salmonella vil midlertidig bli vidareført i Sandnes. To ingeniørar vil halde fram med å jobbe med dette inntil vidare. På sikt vil også dette arbeidet bli flytta til Ås. Kva som skjer med dei to tilsette i Sandnes då, kan ikkje Lenvik svare på.

Planane blei nyleg lagt fram i ein rapport sendt til Landbruksog matdepartementet.

Overingeniør ved Veterinaerinstituttet i Sandnes, Elin S. Frøyland, sa i februar at ho tolka dei varsla endringane som eit signal om at berre to personar ville få halde fram i Sandnes.

Landbruksminister Olaug Bollestad kalla difor inn Veterinaerinstituttet til møte. Der blei det klart at det framleis skal vere mogelg å utføre obduksjon ved Veterinaerinstituttet i Sandnes. Vidare kom det fram at Sandnes skulle bli nasjonalt senter.

– Eg er svaert opptatt av at Veterinaerinstituttet i Sandnes ikkje skal reduserast, heller at samarbeidet på Høyland skal vidareutviklast. Det fekk eg forsikring om at det skulle, sa Bollestad.

Eit stortingsvedtak frå 2008 slo fast at nasjonalt senter for dyrehelse skal vere i Sandnes.