– Sterkt urimeleg, seier ordførarane i Klepp, Gjesdal, Time og Hå
JAEREN: Det er meir løn i staten enn i kommunane. Difor kan Klepp, Gjesdal, Time og Hå bli trekt 13,8 millionar kroner for ei teneste som i dag kostar dei 6,2 millionar kroner, viss staten tek over dei kommunale oppkrevjarkontora.
I statsbudsjettet blir det foreslått at 227 kommunale skatteoppkrevjarkontor blir til 56 statlege einingar. Formålet er å nytta ressursane betre og satsa meir på arbeidsgjevarkontroll og kampen mot svart arbeid. Tiltaket skal gje ein effektiviseringsgevinst på 370 millionar kroner, ifølgje forslaget.
Men for dei fire kommunane betyr effektiviseringsgevinsten at dei må ut med meir enn dobbelt så mykje pengar for ei teneste dei i dag sjølv har ansvaret for.
– Dette finn me sterkt urimeleg, heiter det i eit krast brev som er underteikna av Gjesdal-ordførar Frode Fjeldsbø (Ap), Timeordførar Reinert Kverneland (H), Hå-ordførar Jonas Skrettingland (KrF) og Klepp-ordførar Sigmund Rolfsen (Ap). Brevet er sendt til Stortinget med spesiell adresse til finansfraksjonane i deira eigne parti, samt Rogalandsbenken.
Ordførarane viser til at Jaeren kemnerkontor er eit skatteoppkrevjarkontor for om lag 70.000 innbyggjarar i Gjesdal, Time, Hå og Klepp. Kontoret har 9,5 årsverk. 4,7 av desse årsverka vert nytta på arbeidsgjevarkontroll og samarbeider med skatteetaten, politiet, arbeidstilsynet og NAV Kontroll og bustyrarar. Kontoret hjelper òg kommunane med gode rutinar mot svart arbeid, saerleg på dei kommunale byggjeprosjekta.
– Med andre ord, dei kommunale ressursane er alt nytta på dei politisk prioriterte arbeidsområda, heiter det i brevet.
Byr på høgare løn
Etter innbyggjartal skulle Jaeren kemnerkontor hatt 16,5 årsverk mot 9,5 årsverk i dag.
– Men staten har tatt utgangspunkt i ei gjennomsnittsløn som er nesten 200.000 kroner høgare per årsverk enn det vi har, og då finn me forskjellen mellom trekket og våre kostnader, skriv ordførarane.
Dei stussar og på korleis staten har kome fram til at kostnaden per årsverk er på 863.760 kroner.
– Skatteoppkrevjarane rundt om i landet har ikkje slike høge lønningar og i tillegg tar vi inn store gebyrinntekter. Jaeren kemnerkontor tok i fjor inn 1.238.000 kroner i gebyr, eller 130.000 per årsverk, slik at netto kostnad per årsverk i 2018 var på 662.000 kroner, vert det opplyst.
Dei store tener på dette Ordførarane har og funne ut det er rapportert inn fleire årsverk enn det er på skattekontora i kommunane. Fleire feil er funne berre i
Rogaland. Til dømes har Strand og Hjelmeland felles skatteoppkrevjar, men begge kommunane er kvar for seg inne med 2,5 årsverk når dette skulle vore samla for dei to kommunane. Ein veit ikkje kor stor feilmarginen er i resten av landet.
– Når det blir rapportert om 1279 årsverk og mange kommunar ligg under snittet, må mange av dei store kontora, som Oslo, Bergen og fleire andre store byar, ha mange fleire årsverk enn kva folketalet skulle tilseie. Skal desse tene på at kemneren blir overført til staten og belaste alle oss andre, spør ordførarane.
Kvart år dei siste seks åra har staten lagt opp til eit effektiviseringskrav i statsbudsjettet på 0,5 prosent.
– Jaeren kemnerkontor er eit godt eksempel på lokal effektivisering der tenestene har blitt betre og kostnaden mindre. Blir trekket ståande er det vanskeleg å sjå på dette på ein annan måte enn at me blir straffa for driva effektive tenester, går det fram av brevet.
Etter at denne saka er publisert, melder kommunikasjonssjef i Sandnes kommune, Ole Jørgen Alstadsaeter, at også ordførar Stanley Wirak (Ap) tirsdag sendte eit brev til finansminister Siv Jensen, der han gjer det klart at Sandnes er «motstander av en statliggjøring av skatteoppkreverfunksjonene». Frykten er også at staten vil øydeleggja noko som i dag fungerer godt. I tillegg vil Sandnes tape 6,5 millioner kroner på forslaget.