Variert årbok frå Jaermuseet

BOK: Årets årbok frå Jaermuseet inneheld fleire artiklar med ulike tema. Den har totalt ni artiklar og er hovudsakleg skriven av tilsette i Jaermuseet.

Sauen, gjetaren og hunden av Målfrid Grimstvedt og Madli Hjermann presenterer ein del av eit større prosjekt om sauene som er på sommarbeite i fjellet. Krigsminne frå Ogna, Brusand og Øvra Bygdå er skrive av Otto Laurits Fuglestad. I Realistiske utopiar har arkitekturhistorikar Even Smith Wergeland sett på regionalplanutviklinga for Jaeren, kva det blei noko av og idear som i dag er gløymde.

Fine former og frisk dekor er skrive av Inger Smidt Olsen og Per Inge Bøe, og handlar om lokalprodusert keramikk. Minnestad handlar om Knudaheio si historie. Inger Undheim har funne fram nokre flotte bilete av korleis Arne Garborg si skrivestove er blitt brukt under og etter diktaren si tid.

Smiene på Motland og Audemotland og Oppdrag: Audemotland er to artiklar om dei gamle smiene på Motland og Audemotland. Målfrid Grimstvedt har sett på det historiske, medan Odd-Geir Rosland har beretta om arbeidet med å restaurera ei slik smie. Hulda Garborgs litteraere skandale er skriven av Ørjan Zazzera Johansen. Her han han sett naerare på kva som utspelte seg på Nationaltheateret i 1904 og korleis forfattaren Hulda Gaborg opplevde dette.

Arne Thorvaldsen og hans bemerkelsesverdige karriere er namnet på Sondre B. Hvam si beretning om ein norsk jagerflygar under den kalde krigen. Åtte-skillingen. Ein numismatisk godbit er siste artikkel i boka, signert Målfrid Grimstvedt.