Solidaritetsprosjekt frå Kunsthall Stavanger
STAVANGER: Koronapandemien har gjort at mange galleri må utsetja utstillingane sine. Kunsthall Stavanger stiller no ut kunst for forbipasserande.
Toralf Larsen Vallestad
Måndag presenterte Kunsthall Stavanger eit verk som skal pryda byggets fasade i tre veker framover. Verket «Moon’s Echo» av australske Molly Rose Dyson er ein representasjon av «samspelet mellom naturen, det kosmiske og den menneskelege sfaeren».
Direktør og sjefskurator Hanne
Mugaas er veldig nøgd med resultatet.
– Perfekt, sa ho då verket endeleg kom på veggen.
Frå Kunsthall Stavanger til deg Verket er ein del av eit endå større prosjekt som heiter «#fromKStoyou». Gjennom prosjektet har det vore mogleg for kunstnarar å sleppa kreativiteten laus for å skapa kunstverk som oppmanar til solidaritet under tida me lever i. Dyson blei inspirert av korleis dyra kom ut av si dvale, då me menneske gjekk inn i vår.
Mugaas er godt nøgd med å kunna leggja lista såpass høgt som ho ligg med nasjonalt, og internasjonalt anerkjende kunstnarar. Ho fortel at Kunsthall Stavanger
har mykje å by på med i tida som kjem. Nokre av utstillingane har blitt utsette til hausten. Allereie 20. juni kjem Vestlandsutstillingen.
Aktiv sommar
Kunsthall Stavanger håpar på å få til alt anna enn ein stilleståande sommar. I tillegg til Vestlandsutstillingen, vil det i løpet av sommaren vil det koma fleire banner etter same modell som «Moon’s Echo». På toppen av alt ønskjer dei å opna dørene, og ikkje minst hallane for born og unge. Dei har søkt midlar frå Kunstrådet og tenker å søkja frå kommunen. Får dei støtte, arrangerer dei sommarskule.