«Suldal» var både isbrytar og rutebåt
GAMLE DAGER: Termometeret viste eit par plussgrader og dermed var også humøret stigande på Nesflaten i øvre enden av Suldalsvatnet. Var den verste vinteren over? Kunne mannskapet på dampbåten «Suldal» endeleg pusta ut etter ein tøff isvinter. Ikkje godt å
Den trufaste damparen hadde gått dag og natt for å halda råka oppe. Aftenbladet hadde sjølvsagt også fått melding om isvanskane og sende sin eigen fotograferande journalist, Johan Lundbø til Suldal. Reportasjen hans sto på fyrstesida i avisa mandag 28. februar 1938, for 85 år sidan i dag.
– Ansiktene på bryggen på Nesflaten var helst fjåge da «Suldal» med skipper Josef Fisketjøns sikre hånd på rattet la inntil, står det i avisa.
Natt og dag
Den 53 år gamle rutebåten hadde ingen overflod korkje av tyngde eller maskinkraft til å kjempa mot isen. Viss dei låg roleg ein av desse vinterdagane, ville det vera trygt å gå på den nye isen over råka neste morgon, fortalde Fisketjøn.
Dersom dampbåten måtte gi opp i isen, ville innbyggjarane langs vatnet vera isolert. Det ville vera uhyggeleg å tenkja på at folk kunne komma til å liggja heime og døy fordi vatnet var uframkommeleg og «distriktslaegen» ikkje kunne komma fram. Derfor krevde doktoren at «Suldal» måtte gå dag og natt og halda åpen råk.
Det var på høg tid å byggja veg langs vatnet, konkluderte journalist Lundbø i sin reportasje i 1938. 40 år seinare var vegen ein realitet.
Digitalisert
Alle bilda frå journalist og fotograf Johan Lundbø sine mange år i Aftenbladet vil nå bli tilgjengelege for alle som måtte vera interesserte. Dei er nå digitaliserte og overlevert til Byarkivet i Stavanger. Tidlegare fotograf i Aftenbladet, Egil Eriksson, fekk i si tid overlevert filmane av Johan Lundbø som frykta at dette fotomateriale skulle komma vekk etter hans tid. Lundbø døydde i 1991, 85 år gammal.
I fjor fekk Egil Eriksson kontakt med Terje Bråtveit på Sand. Bråtveit er svaert interessert i lokalhistorie og medlem i Suldal sogelag. Han disponerer godt utstyrt til å digitalisere gammal svart-kvitt film.