Store prosjekt som feilar
KRONIKK: Det er ei gåte kvifor Nye SUS har hamna i dagens situasjon.
Norge har for tida to store byggeprosjekt – Nye SUS i Stavanger og det nye regjeringskvartalet i Oslo. Begge har eit golvareal på opp mot 125.000 m². I regjeringskvartalet ligg 30.000 m² under bakken.
Ein internasjonal studie frå 1987 av 3500 store, offentleg finansierte prosjekt over mange år viste at dei fleste prosjekta fekk ei kostnadsoverskridingar på mellom 40 og 200 prosent. Svaert få blei sluttførte til ein kostnad lågare enn budsjettert.
Fylgjande kategoriar av årsaker blei etablert i ein artikkel i 2010, for å forklare kvifor prosjekterer mislukkast:
1. Tekniske: Vanskar med å sjå heile kompleksiteten i oppgåva, manglande erfaring, fråvaer av data og gode modellar.
Økonomiske: Mangel på både ressursar, kompetanse og incentiv til å lage gode og realistiske kostnadsestimat, dette medfører ofte ineffektive planprosessar.
Psykologiske: Kognitive forhold og risikoaversjon som gjev seg utslag i optimistiske «vridingar».
Politisk-strategiske: Bevisst underestimering og manipulering av informasjon for eiga vinning.
2.
3.
4.
Regjeringskvartalet
I 2011 var regjeringas anslag at kostnadane ville ligge mellom 3 og 6 milliardar. I 2014 kom regjeringa Solberg med kostnader på mellom 15 og 16 milliardar, med ferdigstilling i 2023–2025. I dag er regjeringa sitt anslag 53,5 milliardar.
For å setje det i perspektiv: Kostnaden for kvar kontorarbeidsplass vil bli 12 millionar kroner. Dette er dei viktigaste årsakene til kostnadsauken: Auka omfang av prosjektet.
Den nye sikkerheitslova frå 2018 stiller nye og strengare krav til sikkerheit i regjeringskvartalet. Meir bygningsareal må leggast under bakken.
Omlegging av vegnettet Ring 1, kjøp av bygg i nabolaget for å auke sikkerheita. Sikkerheitskrava gjer at å rusta opp gamle bygg blir dyrare enn å bygge nytt.
Prisar på byggemateriale og andre innsatsfaktorar har skote i vêret.
Den nye energiløysinga blei dobbelt så dyr som fyrst estimert.
Det er med stor interesse eg les om sjølve byggeprosjektet på Statsbygg sine nettsider. Her finn ein grundig og godt organisert informasjon. Det er ei sterkt samspelorientert tilnaerming i prosjektet. Fleire av entreprenørane er integrerte i teamet som står for detaljprosjektering. Kompensasjonsformatet for nokre kontraktar er at viss entreprenørar får dekka kostnadane sine, så skal fortenesta kome gjennom felles insentivordningar. Dette legg mykje av risiko på byggherren.
Det ser ut som støyen rundt regjeringskvartalet vil ligge på byggherrenivå. Når eit så stort byggeprosjekt blir lagt i sentrum av Oslo, eit stykke ned i jorda, så får ein som fortent. Den nemnde årsakskategori 1, det tekniske, dekker det meste.
Nye SUS
I mars 2017 viste hovudplanen for prosjektet SUS23 at dei første pasientane ville kome i august 2023. I juni 2023 stadfesta SUS at første pasient ville kome i mai 2025. Nå i januar fekk vi informasjon om at innflytting var utsett på ubestemt tid. Enno veit ein ikkje når ein ny dato kan kome. Det vitnar om eit mangelfullt bilete av prosjektstatus og moglege tiltak.
Tidlegare medarbeidarar ved nye SUS varsla for fleire år sidan om konfliktar og tap av tid i prosjektet. Dei meinte dårleg leiing, manglande prosjektstyring og eit trakasserande arbeidsmiljø var blant årsakene til problema. Det blei òg sagt at ein gjekk for tidleg ut i marknaden for å få tilbod på entreprisar. Oppdragsdefinisjonen var ikkje god då ein gjekk ut.
Sjukehusdirektør Helle Schøyen, som er prosjekteigar, legg skulda for problema på entreprenør Bravida. Divisjonsdirektør Ronny Øvrevik i Bravida Norge seier at Helse Stavanger har svikta når det gjeld prosjektering, koordinering og framdrift.
Dette tyder ikkje på god stemning mellom aktørane.
Det eg finn på nettet om sjølve byggjeprosjektet, er frå planfasen i 2016 og 2017. Beskjed frå styret ved SUS var å velje ein entreprisemodell som sikrar at lokale tilbydarar kunne delta i konkurransen. I tillegg blei det gjort kjent at gjennomføringsstrategien ville bli byggherrestyrt prosjekterting og byggherrestyrte entreprisar av ulik art for ulike delar av prosjektet. Det blei også sagt at konsulentmarknaden vil vere viktig for å sikre ressursar til prosjektet.
Sykehusbygg HF blei etablert i Trondheim med ressursar og kompetanse frå den saers vellukka St. Olavs hospital utbygginga i perioden 2002 til 2013. Denne organisasjonen skulle ha ei viktig rolle i nye SUS prosjektet.
Så blei det sagt at ein skulle ein søke å bruke beste praksis styringsverktøy frå oljeindustrien, og ein skulle ta i bruk ny teknologi innan digitalisering for deling av informasjon. Det gjaldt spesielt der digitale 3D-verktøyet BIM for prosjektering og bygging.
Alt såg ut til å vere på plass for å lukkast. Kvifor ein då hamna i dagens situasjon, er ei gåte for meg. Delar av svaret ligg nok innafor dei nemnde årsakskategoriane 2 og 3, det økonomiske og det psykologiske.
Alt ved Nye SUS såg ut til å vaere på plass for å lukkast.