Tente over 18 millionar kroner i fjor
Midt-Telemark Energi (MTE) oppnådde eit overskot på meir enn 18 millionar kroner i 2015.
Det er vel fire millionar kroner høgare enn året før. Resultatet før skatt tilsvarar rundt 14 prosent av inntektene.
Selskapet hadde eit ordinaert driftsresultat på om lag 20,7 mil- lionar kroner, og etter finanpostar blei resultat i overkant av 18 millionar kroner.
Ros til leiinga
Sjølv om fjoråret var bra, er det langt igjen til 2013. Da hadde selskapet eit resultat før skatt på 26,9 millionar kroner. Driftsinntektene dette året var nesten 30 millionar kroner høgare enn i fjor, noko som viser at inntektene svingar i tråd med kraftprisane.
– Dette er eit mellomstort energiverk som driv svaert effektivt. Selskapet har ei leiing og ein administrasjon som fokuserer på effektivitet, seier Harald Dagfinn Kjelstad, som er styreleiar også i Midt-Telemark Energi.
Han meiner stor kompetanse i lokalsamfunnet og naerleik til abonnentane betyr mykje for beredskapen.
Solid utbytte
MTE sende eit utbytte til eigara-
ne på 9,7 millionar kroner i fjor. I løpet av dei tre siste åra har kommunane Bø, Nome og Sauherad motteke over 28 millionar i utbytte. Nome kommune har 40 prosent av aksjane, Bø 36 prosent og Sauherad 24 prosent. Dette betyr at med samanslåing vil den nye kommunen i midtfylket få 60 prosent av aksjane.
Viktig arbeidsplass
MTE er også eit svaert solid selskap med ein eigenkapital på 47,2 prosent. I ei foretaksanalyse som Varden har fått tilgang til, scorer MTE svaert bra.
Dette er ein viktig arbeidsplass i midtfylket med 35 tilsette. Selskapet har vore lokalisert på Ulefoss etter at Bø og Sauherad Energi slo seg saman med energiverket i Nome tidleg på 1990-talet.