Millionar fossa inn til kommunane
Norsjøkraft fekk eit overskot før skatt på 25,6 millionar kroner i fjor. No blir det investert for 100 millionar kroner.
NOME Driftsinntektene til selskapet, som blei etablert ved kjøpet av Vrangfoss kraftverk i 2012, låg på 67,7 millionar kroner. Fortenestemarginen utgjorde såleis på 37,7 prosent. Finanskostnadene for i fjor var på naer 15 millionar kroner.
– Kraftprisane har vore låge, men ved å posisjonere seg i marknaden har me sikra ein gevinst. Den utgjer 15 millionar kroner av overskotet på 25 millionar kroner. Det blei eit bra år, seier adm. direktør Jon Arne Mørch Jonassen i Norsjøkraft til Varden.
Eigarane tok ut ti millionar kroner i utbytte for 2015. Året før var talet null. Norsjøkraft er botnsolid med ein bokført eigenkapital på 540 millionar kroner som utgjer meir enn 50 prosent av samla kapital i selskapet.
Har kontrollen
Kommunane Bø, Nome og Sauherad har majoriteten av aksjane i Norsjøkraft gjennom selskapa Midt-Telemark Kraft og Midt-Telemark Energi. Brennebu AS dotterselskap av Cappelen Holding - sit med ein tredjedel av aksjane.
Det var som kjend Cappelen som kvitta seg med kraftverket i Vrangfoss, og så blei Eidsfoss kraftverk - eigd av dei tre kommunane - innlemma i Norsjøkraft.
Mindre utbytte
Harald Dagfinn Kjelstad er styreleiar i Norsjøkraft.
– Så langt har det fungert bra, og eg synest det er kjempeinteressert å vere styreleiar. Sterkt fall i kraftprisane kan vere krevjande, og Norsjøkraft har rehabiliteringar i dei to kraftstasjonane Vrangfoss og Eidsfoss på til saman rundt 100 millionar kroner. Oppgraderinga er temmeleg likt fordelt mellom stasjonane. Eidsfoss er ferdig og etter planen blir Vrangfoss klar i løpet av året. Dette har påvirka produksjonen, så kommunane må forvente lågare utbytte dei naermaste åra, seier Harald Dagfinn Kjelstad.
Han viser til prognosar som seier at kraftprisane vil auke i eit 5-årsperspektiv. Styreleiaren viser her til målet om eit grønt skifte.
– Prisutviklinga på elektrisk kraft er avhengig av kor stor reduksjonen blir av kol og olje, seier Harald Dagfinn Kjelstad.
Rett kjøp
Bø-ordførar Olav Kasland (V) skulle òg ønske seg høgare kraftprisar, men er fornøgd med investeringa.
– Politikarane var klare på at kjøpet ikkje skulle sjåast i eit toårsperspektiv, men over ein periode på 50 år. Dette er ein evigvarande ressurs som det er viktig å ha på lokale hender. Eigarane er klar over at det blir magert med utbytte dei naermaste åra Bø og Sauherad blir etter samanslåinga ein større aksjonaer i Midt-Telemark Kraft og MidtTelemark energi enn Nome kommune - selskapa som har dominerande aksjepostar i Norsjøkraft.
– Dette vil ikkje ha noko praktisk betydning, avsluttar Bø-ordførar Olav Kasland.