Skogen vår nye olje
Alt som i dag lagast av olje kan lagast av tre. Sett i samanheng med at Noreg skal vere eit lågutsleppssamfunn i 2050 så er skogen ein del av svaret.
For Senterpartiet er ei satsing på skog og reduksjon av klimautslepp same sak. Så er ikkje dette rett fram. Det krev ein formidabel innsats av mange. Heilt sentralt er at det offentlege, privat kapital, industri, skogsamvirket, FOU (Forsking og Utvikling) satsar samstundes. I dag så eksporterast meir og meir tømmer. Det stikk motsette av det vi ynskjer. Vidare- foredling og nye produkt vil skape vekst og arbeidsplassar i Noreg. Ein kan snakke om 10-dobling av verdiskapninga i høve til å eksportere rundtømmer. Lange verdikjedar i Noreg skaper grøne, lønnsomme arbeidsplassar. Det står ikkje på rapportar og stortingsmeldingar, men nasjonalt entreprenørskap. For å få dette til så krev det kapital, kompetanse og stabile rammetilhøve over tid. Ein må vere viljug til å satse over tid og take konsekvensen av det.