Feirar stort mangfald
Innbyggjarane i Bø kjem frå 69 ulike nasjonar. I kveld slår bygda ring rundt alle i det internasjonale lokalsamfunnet.
INGA SVAR:
Foreldrearbeidsutvala (FAU) ved skulane i Bø står bak arrangementet som blir støtta av mange aktørar i kommunen.
– Håpet er at denne markeringa skal bli ein folkefest, seier FAU-leiar Ivar Sund ved Folkestad skule.
Inga svar
Han understrekar at arrange- mentet ikkje er noko svar på saka med hatbrev til ein laerar i bygda i fjor.
Etter det Varden får opplyst på velinformert hald i Bø kommune, er den saka framleis ikkje oppklart. Vidare blir det sagt frå same hald at den aktuelle laeraren ønskjer å vere anonym.
– Idretten er ein fleirkulturell arena som er open for alle. Me vil syne at me er glade i dei som bur her. Når me nordmenn dreg til utlandet, vil me gjerne også få ei god mottaking, seier nestleiar i idrettslaget Skarphedin, Renate Øien. Idrettslaget støttar aksjonen.
Variert program
Det blir eit variert program på torget denne torsdagskvelden. FAU-leiar Ivar Sund opnar arrangementet, der Bø skulemusikk opptrer. Ordfører Olav Kasland held appell og gruppa Ugras byr på musikalsk innslag.
Sokneprest Axel Jørgen Bugge skal halde appell. Publikum får vidare høyre Aina Wassvik med Rokas Naudziunas frå Litauen på trekkspel. Idrak Ab- basov, frilansjournalist frå Aserbajdsjan, held den tredje appellen for kvelden.
Gratis mat
For å setje ein ekstra spiss på tilstellinga, blir det boder med gratis mat frå ulike land - heriblant Spania, Italia samt arabiske og norske rettar.
– Kanskje ein idè å ta middagen på Bø Torg denne kvelden, oppmodar arrangøren. – Kor mange trur de kjem? – Me tør ikkje tippe, man kan seie at alle er velkomne, både frå Bø og bygdene rundt. Dette berører ikkje berre Bø, men alle lokalsamfunn, svarar Ivar Sund og Renate Øien.
Barnehagar og skular har hatt solidaritet som tema i det siste. Grunnskulen i Bø har over 700 elevar, og i tillegg er elevar på den vidaregåande skulen oppmoda om å delta.
Det talar for at det kan bli folksamt på Bø Torg i kveld.