Ho sel livsverket
Ekteparet Svanhild og Truls Dahl har selt Norsjø Hotell og båten M/S Telemarken til eit investeringsselskap. Norsjø Ferieland overtek drifta 1. mars.
NYE DRIVARAR:
Salssummen og kven som står bak investeringsselskapet er førebels hemmeleg, får Varden opplyst.
Ekteparet Dahl overtok daverande Norsjø Turistheim i 1972, bygde ut lokala og gjorde verksemda om til hotell. Svanhild Dahl har såleis drive denne verk- semda på Akkerhaugen i snart 45 år, og teke imot tusenvis av gjester.
God løysing
– Eg er glad for at nokon vil drive vidare, og det bør også lokalsamfunnet vere. Løysinga med salet har det vore arbeidd med over ein periode, og me som seljarar ser den som rett og spennande. Hotellet er gjennom alle desse åra drive i samarbeid med lojale medarbeidarar. Nokre av dei har vore med oss mesteparten av tida, og eg vil rette ein stor takk til alle, seier Svanhild Dahl.
Dahl skal assistere dei nye drivarane i ein overgangsperiode. Ho vil mest sakne alle dei hyggjelege gjestene samt gode turoperatørar og reiselivskollegaer i fylket.
Ingen dramatikk
Marita Knutshaug Veum og Vebjørn
UKJENT KJØPAR:
Hagen kjøpte i fjor Norsjø Ferieland. Campingbedrifta skal leige hotellbygget av investeringsselskapet.
– Det blir ingen store endringar. Medarbeidarane på hotellet blir no tilsett i Norsjø Ferieland og me gjennomfører alle arrangement som er bestilt. Som nye krefter vil me bruke energi på reiselivsproduktet, og ser klare fordelar ved eit samarbeid. Det er viktig for bygda å behalde hotellet, seier Marita Knutshuag Veum og Vebjørn Hagen. Kaja Hagen, kona til Vebjørn, går inn som dagleg leiar av hotellet.
25 millionar kroner
Dei fortel at Norsjø Ferieland hadde eit veldig bra år i 2016, og at Akkerhaugen da hadde mindre nedbør enn nabobygda Bø. Omsetninga i fjor var 15-16 millionar for campingplassen medan hotellet sine driftsinntekter låg på rundt ti millionar kroner.
Hotellet har overnattingskapasitet til 100 personar medan Norsjø Ferieland har 29 utleigehytter, 300 plassar til vogner/bubilar og ei gjestebrygge med plass til 40-50 båtar.
Den nye eininga blir såleis ein viktig aktør i turist-Telemark.