Hilda (88) stiller ut
Hilda Tønn, som fyller 89 år i mai, er ein sentral aktør på bygdekunstutstillinga i Rauland.
Der blir det fram til 12. mars vist fram måleri, trerelieff, skulpturar og fletting. Dette er ei utstilling både av arbeida etter Einar Tjønn, som gjekk bort i 2011, og kunsten til Hilda.
Byrja med dikt
Ho voks opp på Haddland i Rauland.
– Alt som lita jente byrja eg å dikte, fortel den vitale kunstnaren i ein prat med Varden. Diktinga held ho på med framleis. Hilda er fast opplesar på diktkveldar i heimbygda.
I 1945 møtte 17-åringen - fødd Brårmo - kjaerleiken da ho vart kjend med Einar Tjønn. Han var bilethoggarassistent for Dyre Vaa som heldt til på Sporanes i Rauland. Hilda og Einar gifta seg i 1947 og dei fekk etter kvart fire barn.
Som ung mor strikka ho og sauma klede til barna. Ho hadde laert å lage dåpsluver av mor Torbjørg, og sidan laerte ho seg fletting av bjørkerøter - det dei lokalt kallar taegearbeid.
Kunstnaren har godt handelag, og i 13-14 år arbeidde ho med tilskjering av museumskopiar hjå Peter C. Omtvedt som hadde verkstad i Rauland.
Likar lukta av tre
Dette handverket nytta ho i eige arbeid med trerelieff. Mannen Einar laerde henne fargeleggingsteknikk, og gjennom desse trearbeida har ho forma sine eigne uttrykk. Fleire av naturmotiva hennar er med på utstillinga i kaffibaren Sondov. Ho er blitt inspirert av den fine naturen i heimbygda, deriblant frå staulen hennar, der ho var med alt frå 8-årsalderen.
– Eg liker lukta av tre, seier Hilda om dette arbeidet.
Måleri av mannen
På utstillinga finn ein elles fleire måleri av mannen Einar. Han hadde utstillingar i kunstforeininga i heimbygda og ei utstilling i Skipper Sørensens hus i Brevik.
– Kunsten fortel kva eit menenske er. Dette gjeld all kunst. Spørsmålet er så kva kunsten gjev deg. Den kan vere fin å sjå på, men kan og treffe meg så djupt at gråten kjem. Når bilete lyser av det gode, vert eg så glad, seier Hilda som saman med mannen fekk kulturprisen av Vinje kommune i 2003. Ein giktsjukdom har stoppa kunstnarbeidet, men ho skriv framleis dikt. Den spreke raulendingen vil halde fram med dette.
– Mormor blei over 102 år. Eg har tenkt å slå den alderen, avsluttar Hilda Tjønn.