Jau, toget kan stoppe fleire stader
På leiarplass i Varden 16. februar skriv journalist Tore Svarverud at lyntog med stor hastighet betyr at toget «passerer gjennom Telemark, mer eller mindre uten å stoppe».
Stor hastighet betyr det motsette, toget kan stoppe fleire stadar i Telemark. Dette er enkel matematikk. Med ein distanse på 500 km vil ein hastighet på 200 km/t bety ei køyretid på 2,5 time. Er hastigheten 300 km/t kan ein ha 6-8 stopp og likevel ikkje bruke meir tid enn 2,5 time.
Kvifor er 2,5 time så viktig? Erfaringane frå andre land viser at 80% av flypassasjerane vel på bruke tog i staden for fly når reisetida blir ned mot 2,5 time. Det er planlagt 4-5 stasjonar i Telemark, inkl. ein avstikkar til Skien. Det betyr ikkje at alle tog stoppar på kvar stasjon. Med fleire avgangar i timen kan ein ha eit varierande stoppmønster og likevel ha god kvalitet og kapasitet.
Dette er ikkje eit forsøk på å torpedere bygging av Intercity og Sørvest-bane, tvert imot. Ved å ha ein nasjonal satsing på høghastighetsbanar mellom dei store byane i Noreg vil det styrke og presse på dei togplanane som sig sakte fram i dag.
Som ordførar i ein distriktskommune ser eg på lyntog som eit viktig middel for distriktsutvikling. God infrastruktur og rask kommunikasjon gjer at ein kan ta heile landet i bruk når avstandsulempene forsvinn. Dette sikrar sysselsetting og busetting utanfor områda rundt flyplassane som har den største veksten i dag. Ei lyntogsatsing vil ivareta moderne krav til mobilitet og miljø.
Det er ikke nok å tenke at guttene må ta seg sammen, det er skolene som må ta seg sammen. Peder Haug, professor i pedagogikk ved laererutdanningen i Volda til NRK