Turistane la igjen 310 millionar
Turistane skapte 265 arbeidsplassar i Tinn.
Dei la igjen 310 millionar og dette skaper ei sysselsetjing på 265 jobbar.
Tala kjem fram i ein analyse som konsulentselskapet Menon har utført for Tinn kommune. Rapporten, som kom i fjor, baserer seg på det som skjedde i 2015. Verdiskapinga blei på 120 millionar kroner. Pengane kan nyttast til velferd, ifølgje rapporten.
Analysen fortel at 550.000 personar besøkte Tinn i 2015. Hotell og camping bidrog med ei omsetning på 145 millionar kroner - 76 millionar om sommaren og rundt 70 millionar vinterstid.
Hytter viktig
Dei private hyttene skapte ei omsetning på 139 millionar kroner.
– Hyttesegmentet skil seg frå kommersielle overnattingar og dagsturistar ved at dei bidreg til investering i bygg, i tillegg til å ha forbruk knytt til talet på gjestedøgn. Dei lokale inntektene frå hyttebygging er derfor viktig for den lokale bygge- og anleggsbransjen, heiter det i konsulentrapporten.
Dagsturistane la igjen 26 millionar kroner - eller vel åtte prosent av den samla turistomsetninga på 310 millionar.
Ifølgje rapporten har det vore ein sterk vekst dei siste åra i verdiskaping og sysselsetting. Naeringa stod for 12 prosent av sysselsetjinga og over sju prosent av verdiskapinga i naeringlivet, framgår det av rapporten.
Stor medvind
Reiselivet hadde stor medvind inn i fjoråret. Ifølgje analysen skuldast dette ein kombinasjon av gunstig kronekurs, eit lite oljeavhengig reiseliv, plassering på verdsarvlista og TV-serien «Kampen om tungtvannet» som har gjeve Tinn nasjonal og internasjonal reklame.
Rådmann Rune Lødøen opplyser til Varden at den gode utviklinga heldt fram i 2016 med 100.000 besøkande på Gaustatoppen - ein auke på 25.000 frå året før. Talet på gjestedøgn auka til 153.702- eller rundt 0,9 prosent. Hotellovernatting ane haddenedgang, med anta l aviser sterk auke innanfor telt/campingvogn.
Ny trend
– Det var klart mest etterspørsel etter Gaustatoppen. Den byrja tidlegare enn før og turistane kjem til Rjukan for å vere der i fleire dagar. For eit par år tilbake var me berre ein stoppestad på veg til fjordane, seier Rune Lødøen. Han nemner og at i fjor fekk Rjukan besøk av Hollywood og filmteam.
Delar av «Snømannen» blei spela inn i Tinn, i tillegg til reklamefilmar og kinesiske «Run for Love» som hadde premiere i februar i fjor. Dette kan gje nye løft for reiselivet framover.