Nesten 10.000 menneske gjestar fjellbygda i vinterferien
Rauland skisenter hadde 2.000 besøkande på torsdag.
– Nesten rekord, seier turistsjef Torben Andersen som anslår at no i vinterferien er det rundt 10.000 menneske som gjestar fjellbygda.
– Me har rekna ut besøket på bakgrunn av utleigekapasitet og talet på privathytter. Berre Kristin Larsen åleine har 750 senger i sine verksemder. Vidare er det plass til 250 menneske på Rauland Høgfjellshotell, opplyser turistsjefen. Onsdag kom det 25 centimeter med snø i Rauland, så Andersen melder om strålande forhold både i løyper og bakkar.
– Torsdag var det 2.000 menenske i Rauland skisenter. Det er ikkje langt frå rekorden, seier Andersen. Drivarselskapet Rauland Mat- og Vinhus AS i Hol- tarvegen gjekk konkurs før jol. Turistsjefen opplyser at Fjøllhalli er stengt og afterski er flytta til heishuset ved Rauland Høgfjellshotell.
– Framover mot påske blir det ope kvar laurdag. I heishuset er det plass til rundt 100 personar.