PRINSIPP
at armen mot Bergen vert utgreidd samstundes. Her har Bergens-miljøet i Høgre vunne fram med argumentasjonen om å utsette utgreiinga av Bergensarmen på ubestemt tid av frykt for at armen skal svekke trafikkgrunnlaget for Rv7.
Etter som utgreiingane frå Statens vegvesen syner at armen mot Bergen er ein heilt sentral del av austvestsambandet over Haukeli og representerer over halvparten av den samfunnsøkonomisk lønnsemda, vil bortfall av Bergensarmen, reelt sett innebaere at ein slår beina under Haukelialternativet.
Hordaland Høgre sitt vedtak om å prioritere E134 over Haukeli er såleis ikkje noko støtte til Haukelialternativet, men snarare eit bidrag til å trenere Haukeliprosjektet som er det desidert mest lønnsame vegprosjektet i Noreg.
Prinsippet om utbygging etter samfunnsøkonomisk lønnsemd er elles eit prinsipp som Høgre tidlegare har gjort seg til talsmann for på praktisk talt alle samfunnsområde. I spørsmålet om aust-vestsambanda forlet imidlertid Høgre dette prinsippet og medverkar til eit meirforbruk av fellesskapet sine midlar i ein storleiksorden på fleire titals milliardar kroner. For Vegforum Øst–Vest: Svein Sem, Halvor Grene, Asbjørn Gardsjord, Arne Skogheim, Asbjørn Espeset, Nicolai Østhus