Base for luftambulanse til Vinje
I Varden 28. februar skriv Bård Øygarden at det er «galematias» å ikkje legge ny base for luftambulanse til Vinje. Det er eg heilt samd i.
Når det gjeld den faktiske framstillinga om kostnader, så er det slik at fylkeskommunen ikkje har noko med det. Det er Helseforetaket – og Staten – som må koste etablering av ei ny base og drift av ei ny base.
Det har kome ny kravspesifikasjon på korleis ein base skal vere, og det gjer at etableringskostnaden blir ca. 75 millionar kroner uansett kvar den blir lokalisert. Det er lite å spare på at det ligg ein flyplass der. I alle høve så viser tal mellom anna frå den nye basen på Evenes at det kostar ca. 45 millionar kroner pr. år å drifte ein base. Då er ikkje etableringskostnaden av stor interesse dersom basen blir lagt på feil plass.
Skien kommune er idag dekt f rå 3 luftambulansebasar, Lørenskog, Arendal og redningshelikopter på Rygges om har 50 prosentreine luftambulanseoppdrag. Skien kommune har s j uke h u smedakuttfunksjon som gjer at landambulansene r mykje mei r effekt i vennluftambulansen. Det viser talet på luftambulanse- rekvisisjon a ri Skien.
Ein base i Vinje vil dekke heile det indre SørNoreg. Vi vil få eit flygande akuttmottak i eit område der landambulansen brukar 2 timar til sjukehus etter at den har henta pasienten. Ein base som vil dekke trafikken på E-134 som berre aukar. Ein base som dekker eit areal der vi har over 10 millionar overnattingsdøgn på hytter pr. år. Basen vil fungere som reservebase for Vestlandet, Sørlandet, Austlandet og nordover.
Ingen andre kommunar har gjeve støtte til ei etablering av base i Skien. 18 kommunar har gjeve støtte til ei etablering av base i Vinje.
Vinje kommune har støtta Skien i kampen om sjukehuset sitt. Vi har støtta Skien i kampen om stråleeininga. Vi har støtta Skien i kravet om lokalisering av politimeister. Vi har støtta Skien sine ynskje om jernbaneprosjekt. Vi har støtta Skien i kampen om AMK-sentral. Alt dette berre dei 2 siste åra.
Kvifor kan ikkje Skien kommune denne eine gongen støtte Vinje kommune? Har ikkje Skien lagånd? Kvifor skal Skien alltid kjempe for å ha alt? Har ikkje folk frå Skien trong for akuttberedskap når de er på hytta, eller i fjellet eller køyrer over fjellet?
Dersom Skien held fram med at alt skal ligge i Skien, kan Skien kommune i framtida forvente å få støtte frå andre kommunar? Om Telemark står saman no, så får vi det til!