Eit stamveghavari frå Høgre og Regjeringa
Når Statens Vegvesen (SVV) i 2014 sette i gong utgreiingane av aust-vestsambanda, var målsettinga å identifisere det beste sambandet. No har Høgre sytt for at vi berre sit att med politiske prioriteringar som er vorten ein karikatur.
Intensjonen var at ein i framtida skulle satse ein monaleg større del av veginvesteringane på det beste alternativet for å få etablert eit raskt, effektivt, miljøvenleg og framtidsretta samband, i motsetnad til å spre investeringane på mange «mindre» samband som i dag. Når SVV i
januar 2015 la fram sine tilrådingar, viste Haukeli-alternativet (E134) seg, ikkje uventa, å vera det desidert beste sambandet med ei samfunnsøkonomisk lønnsemd, inkl. arm til Bergen, på 26 mrd. kr.
den føresetnaden til grunn at armen til Bergen ikkje skulle utgreiiast, noko som innebar at lønnsemda ved Haukeli-alternativet (E134) vert halvert. Dette vart gjort etter press frå Bergensmiljøet for ikkje å svekke trafikkgrunnlaget for RV7.
Når Regjeringa, med Høgre i spissen, 20. mars 2017, kunngjorde at «alle» aust-vestsambanda (E16, RV 7, RV 52) skal prioriterast, er dei opphavelige planane om etablering av eit høgkvalitetsamband, havarert.
Etter omfattande og gode faglege prosessar gjennom austvestutgreiingane må Vegforum Øst-Vest konstatere at vi berre sit att med politiske prioriteringar som er vorten ein karikatur.
Det mest alvorlege med dei vedtaka som ligg føre, er imidlertid at Regjeringa (Høgre) har blokkert ei utgreiing av armen til Bergen, som i kombinasjon med planane for E134, ville blitt det mest lønnsame vegprosjektet i Noreg. Når «alle» aust-vestsamband no skal prioriterast, vil det sjølvsagt bli langt vanskelegare i tida framover å få til ein god progresjon i arbeidet med E134, samstundes som samfunnet må gje avkall på dei verdiar som E134 representerer for samfunnet.
Til samanlikning ville alternativa over Hardangervidda (RV 7) og Hemsedal (RV 52) ha ei samfunnsøkonomisk lønsemd på høvesvis minus 12 og minus 14 mrd. kr, dvs. ein skilnad på høvesvis 38 og 40 mrd. kr. SVV sine tilrådingar er seinare kvalitetssikra av eksterne konsulentar som har slutta seg til SVV sine konklusjonar.
På bakgrunn av aust-vestutgreiingane var det ikkje til å unngå at Regjeringa måtte velge E134 som eitt av hovudsambanda mellom Austlandet og Vestlandet. Men Regjeringa la samstundes