Narrespelet om CO2
Takk til Arne Garvik for eit godt innlegg i Varden nyleg. Eg fyller på med litt meir stoff.
CO2 eller koldioksyd er ein av dei aller viktigaste gassane i lufta omkring oss. Takka vera CO2 blir det produsert mat for alt liv på jorda og i havet: CO + H2O (vatn) + solljos + klorofyll i planter+ mineralar, gjev vokster av planter, frukt og grønnsaker, mat for dyr og menneskje. I tillegg blir det produsert surstoff som også er ein livsviktig gass. Meir CO2 og høgare temperatur aukar matproduksjonen og gjer kloden grønare til stor fordel for alt liv.
Klimaskraemarar, både politikarar og politiske vitenskapsmenn fann ut at C02 gassen kunne vera årsak til den såkalla globale oppvarminga. IPCC, klimapanelet i FN skulle finne prov for dette. Dei har ikkje funne noko vitenskapeleg prov og det finn dei heller ikkje. 90 prosent av spådomane deira har slått feil.
Naturen styrer sjølv. Det norske Storting vedtok i 1991 at CO2 var ein farleg klimagass og dei innførde den fyrste klimaavgifta alt i 1992.
Her er tre naturlover som burde ha vori kjent for dei som kallar seg vitenskapsmenn: Henrys lov og Guldberg-Våge lova syner korleis det er ein balanse mellom CO2 i havet og CO2 i lufta, Lamberths Beers lov om absorbsjon av varme bl.a for CO2 syner at det ikkje blir meir absorbera varme sjølv om CO2 mengda blir dobla eller mangedobla. Det er skyene,vassdampen, som er den aller viktigaste av klimagassane.
Temperaturen i havet er viktig. Stig temperaturen slepper havet ut meir CO2, blir havet kaldare tek det opp meir CO2. Dersom CO2mengda i lufta aukar meir enn balansen går dette ned i havet. Dersom Jens sin månelanding hadde vori så vellukka at dei kunne ta ut all CO2 i atmosfaera ville det ikkje hjelpe. CO2 villle koma opp frå havet og halde balansen.
På den andre sida har jordkloden gjennom millionar av år produsert CO2 og vulkanar har alltid spydd ut CO2 utan at CO2-innhaldet i atmosfaeren har auka.
Difor er alle tiltak for å minke CO2-mengda nytteslause og svaert kostbare. Men det er svaert kjaerkome for politikarar som elskar å plage oss med avgifter. Gjennomføring av Parisavtala vil koste 300. 000 milliardar dollar og til ingen nytte. Det har heller ikkje vori auke i den globale temperaturen sidan 1997.
Klimapanelet spår at isen i Antarktis og isen på Grønland skal smelte. Dette vil føre til ei havstigning på fleire meter. Sanninga her er at både hav og landis i Antarktis har auka mykje dei siste åra. Antarktis har blitt kaldare. Grønlandsisen har rett nok minka nokre år, men var like nedsmelta i den tidlegare varmeperioden 1920 til 1940. Innlandsisen har auka dei siste åra.
Havnivået skal stige. Maldivene og andre lågtliggande øyar skulle bli overfløymde. Sanninga er at havnivået er 30 cm lågare ved Maldivene enn for 30 år sidan.
I Arktis har det vori lite is nokre år, men det var like lite i varmeperioden 1920 til 1940. Dette kjem av varme havstraumar som kjem inn gjennom Beringsstredet og vår eigen Golfstraum.
Norske politikarar skal vera best i verda på klima og finn på mange dyre og unyttlege tiltak: Statoil skal skilje ut CO2 og pumpe det ned i havbotnen. Eit tiltak som er svaert dyrt og utan klimaeffekt. Dette vil koste mange milliardar. Straum frå land til Sleipner og Trollfeltet er også eit milliardsluk utan den minste klimaeffekt. Desse unyttlege tiltaka vil koste minst 100 milliardar. I tilleggg kjem alle CO2 avgifter på bensin, diesel m.m. Siste statsbudsjett er eit godt døme på det. Kor lenge skal folk haldast for narr?