Folket jubla og kyrna sprang
Før var det kyr på mest kvar gard. No er det berre to mjølkebruk igjen i Bø.
Derfor blir kusleppet på Gravjord i Bø – som i år gjekk av stabelen for tredje gong – berre meir og meir populaert.
Dette familiearrangementet samla sundag rundt 200 personar, ifølge Knut Midtbø, som er leiar i Bø bondelag. Det er bondelaget, Bø bygdekvinnelag og Kurompa Samdrift som står bak tiltaket.
På Gravjord har familien Hegnastykket føretaket Kurompa Samdrift med om lag 60 mjølkekyr pluss mange kviger og kalvar. Mjølkebonde Anne Grethe Hegnastykket orienterte dei frammøtte om produksjonen.
Vêret var praktfullt med sol frå blå himmel, så både store og små koste seg da mjølkekyrne kom ut på beite. Dyra fryda seg også under møtet med frisk luft, nydeleg grønt gras og eit stort publikum.