Gjer sanninga vondt, Vedum?

I eit innlegg i Varden skriv Senterpartiets partileiar Trygve Slagsvold Vedum at underteikna har gått hardt til angrep på Sp i eit innlegg om politireforma. Det er feil, eg fortalte bare sanninga om Senterpartiet sin justispolitikk.

Senterpartiet har denne våren lykkast med å vinne velgjerarar på sin motstand mot endringar. Det dei gløymer å fortelja oss er at denne motstanden mot endringar går på sikkerheita laus. Førre gong norsk politi var gjennom ein reform var på 50-talet. Sidan då har kriminalitetsbilde endra seg mykje. Førre vekes dataangrep illustrerer dette på ein god måte.

Trygve Slagsvold Vedum har rett i ein ting. Me har foreslege å legge ned 126 lensmannskontor. Under 3 prosent av desse lensmannskontora hadde opent lenger enn til kl. 16.00. Mange hadde bare opent tysdagar mellom 10.00 og 14.00. Eit tomt lensmannskontor fredag kveld gir falsk tryggleik, Vedum. Det som er viktigast for responstida er avstanden mellom den operative politipatruljen og staden der hendinga skjer, ikkje kontoret i seg sjølv.

Me har gått frå eit politi på kontor til eit politi på hjul. Det gjer Telemark tryggare. Det Vedum heller ikkje seier noko om er dei 1.300 nye politifolka me har fått i distrikta gjennom reforma. I dag kjem politiet raskare fram enn før når du og eg treng hjelp.

Eg er stolt over at Sør-Øst politidistrikt har fått 97 nye stillingar gjennom politireforma. Og eg går til val på at me skal få enda fleire dei neste åra. Meiner du at politi på hjul er betre enn politi på kontor bør du stemme Høgre til hausten.

Eg har til gode å sjå alternativet til Vedum. Kva for kontor vil han behalde? Og kor lange opningstider skal dei ha?