«Pjusken» er blitt til bok
Jaerbuen kom til Tokke og blei så fascinert av «Pjusken» at han har skrive bok om den spesielle kongeørna.
Sundag har Jostein Hellevik bokslepp på Vest-Telemark Museum i Eidsborg, for biletboka som er trykt opp i 3.000 eksemplar. Responsen har vore overveldande.
- Eg satsar på at den blir trykt på fleire språk, seier den engasjerte naturfotografen.
Han har illustrert boka med ei rad praktfoto av den spesielle ørna - dei aller fleste har han teke sjølv.
Så stakkarsleg
– Ørna var så stakkarsleg og eit mobbeoffer at den straks fekk namnet «Pjusken», seier fotografen om dyret han møtte oppe på fjellet i 2010.
– «Pjusken» fekk så mykje juling at den måtte bruke kvelden til å ete for å få fred og ro. Ørna, som hadde eit naert forhold til mora si, opplevde ein ekstrem tøff start på livet. Forholdet til mora er spegla i boka, seier Hellevik.
Spennande reise
Han seier at det har vore spennande å følgje ørna i seks år, etter at den fyrste gongen dukka opp. Den vart borte, for så plutseleg å dukke opp igjen. Det skapte glede for mannen bak kameraet. Etter nokre år bestemte han seg for at dette prosjektet måtte bli bok, og no har Hellevik, som driv Dalen Villmarksenter, fått realisert draumen.
Forfattaren fortel at da bjørnen oppheldt seg i Tokke, så blei det ei god tid for «Pjusken». Han dilta i haelane på bamsen, og etter den låg det ein del godbitar på bakken som «Pjusken» fekk god nytte av.
Deler tankar
I boka gjev også forfattaren «Pjusken» tankar om oss menneske og det han ser - med andre ord det ørna føler, tenkjer og korleis han til dømes opplever nyttårsfeiringa med alle rakettane.
Forfattaren Hellevik er sjølv sauebonde, men meiner at kongeørna har fått eit ufortent dårleg rykte.
Ikkje sann
– Dei ti siste åra har den teke berre fem lam her i Tokke, og når noko skjer vert det store oppslag i avisene. Det blir gjeve ei oppfatning av ørna som ikkje er sann. Kongeørna er heller ikkje farleg for små barn. Den klarer berre å løfte ein kilo, seier
forfattaren.
Han meiner at bestanden av kongeørn aldri kan bli stor som følgje av at den har eit territorium på 11 kilometer i diameter.
– Det er 1.263 territorium i heile landet, og no er 940 av desse opptekne. Det betyr at det framleis er mange ledige, seier Jostein Hellevik
Enorm publikum
Dokumentasjon til Hellevik har skapt enorme interesse i internasjonale media. BBC har sendt program om Tokke-ørna som har nådd hundretals av millionar menneske. NRK har også laga program fleire gonger
– Det er eit enormt potensial for reiselivet i Tokke av kongeørna. Berre sist helg skapte den omsetning i bygda på over 100.000 kroner. Da var fleire fotografar samla her oppe. Dette potensialet er ikkje godt nok utnytta. Kongeørn i eit norsk postkort er gigantisk reklame, seier Jostein Hellevik.
Nasjonal heilagdom
Han ser på ørna som ein nasjonal heilagdom som vart freda i 1970.
– Kongeørna er ein av naturskattane våre, seier rogalendingen som har gjort telemarking av seg.
Ikkje nok med at han kjem med bok i desse dagar: På bygdemuseet i Eidsborg står det også ei flott fotoutstilling signert Jostein Hellevik. Der er han representert med 23 foto av den heilt spesielle ørna. Utstillinga står der i sommar.