«KLIMASATS» SOM INTERPELLASJON

Tidlegare partikollega og nå Telemark Venstres 1. kandidat til stortingsvalet, Eli Taugbøl, er med rette stolt over at dei såkalla statlege «kilmasatspengane» kjem som resultat av at Venstre fekk gjennomslag for dette i budsjettforhandlingane for 2016 (100 mill kroner) og 2017 (150 mill kroner).

Dette fortel ho i ei ytring i VTB og Varden. Så vidt eg er orientert om, var det liten dissens om dette mellom partia i budsjettforhandlingane, bortsett frå at Miljøpariet Dei Grøne (MDG) gjekk inn for meir statlege midlar til klimatiltak i fylkeskommunar og primaerkommu-

nar, medan Frp, som Venstre støttar i regjering, ikkje uventa var lunkne til å budsjettfeste så mykje statlege «klimapengar».

Som eit apropos til dette, vil eg for ordens skuld nemne at underskrivne gjennom ein interpellasjon, fekk eit samrøystes kommunestyre i Kviteseid til å støtte tilrådinga om at kommunen skulle søke på klimasatsmidlane i 2016.

Søknaden den gongen gjaldt tilskot til planlegging av aktuelle gang- og sykkelvegar og ladestasjonar for el-bilar. Søknadssummen var «beskjeden» og nådde ikkje opp, til fordel for andre større beløp og prosjekt.

Kviteseid kommune har følgd opp kommunestyrets vedtak med utgangspunkt i interpellasjonen ved å søke på nytt i 2017. Søknaden ga utteljing ved at ein fekk 900.000 kroner til klimavenlege løysingar på offentlege bygg.

I dette tilfelle til leilegheitsbygget «Husstøyl», som skal byggjast i massivt tre og miljøvenlege konstruksjonar, som eit pilotprosjekt.

På denne måten kan eit lite parti med ein kommunestyrerepresentant bringe saker til torgs og nå fram med den miljø- og klimavenlege politikken sin.